புதுச்சேரியில் ரூ.3 ஆயிரம் பொங்கல் பரிசு: முதல்வர் ரங்கசாமி அறிவிப்பு

புதுச்சேரி: புதுச்சேரியில் பொங்​கல் பரிசுத்​தொகை ரூ. 3 ஆயிரம் வழங்​கப்​படும் என்​றும், இத்​தொகை பயனாளி​களின் வங்​கிக் கணக்​கில் உடனடி​யாக வரவு வைக்​கப்​படும் என்​றும் முதல்​வர் ரங்​க​சாமி அறி​வித்​துள்​ளார்.

தமிழகத்​தில் உள்ள ரேஷன் கடைகளில் பொங்​கல் பொருட்​கள் தொகுப்​புடன் ரூ.3 ஆயிரம் ரொக்​கப்​பரிசு வழங்​கப்​பட்டு வரு​கிறது. இதே​போல, புது​வை​யிலும் ரூ.750 மதிப்​புள்ள பொங்​கல் தொகுப்பு ரேஷன் கடைகள் மூலம் விநி​யோகம் செய்​யப்​படு​கிறது.

புது​வை​யிலும் ரொக்​கத் தொகை வழங்க வேண்​டும் என்று பல்​வேறு கட்​சிகள் வலி​யுறுத்​தின. இதையடுத்​து, பொங்​கல் பரிசுத்​தொகை தொடர்​பாக துணைநிலை ஆளுநர் கைலாஷ் ​நாதனிடம் நேற்று முன்​தினம் முதல்​வர் ஆலோ​சனை நடத்தி, ரேஷன் கார்​டு​தா​ரர்​களுக்கு ரூ.4 ஆயிரம் தர நடவடிக்கை எடுக்​கு​மாறு வலி​யுறுத்​தி​னார்.

மேலும், அமைச்​சர்​கள், அதி​காரி​களிடம் ஆலோ​சித்​தார். தொடர்ந்​து, ரூ.3,500 ரொக்​கம் வழங்க முடிவு செய்​யப்​பட்​டு, ஆளுநர் மாளி​கைக்கு நேற்று முன்​தினம் இரவு கோப்பு அனுப்​பப்​பட்​டது.

ஆளுநர் அனு​மதி அளித்​ததன் அடிப்​படை​யில், முதல்​வர் ரங்​க​சாமி நேற்று வெளி​யிட்ட அறி​விப்​பில், “பொங்​கல் பண்​டிகையையொட்டி அனைத்து ரேஷன் கார்​டு​தா​ரர்​களுக்​கும் 5 பரிசுப் பொருட்​கள் வழங்​கப்​படு​கின்​றன.

இதுத​விர, அனைத்து ரேஷன் கார்​டு​தா​ரர்​களுக்​கும் ரூ. 3 ஆயிரம் வழங்க உத்​தர​விடப்​பட்​டுள்​ளது. இத்​தொகை உடனடி​யாக பயனாளி​களின் வங்​கிக் கணக்​கில் செலுத்​தப்​படும்” என்று தெரி​வித்​துள்​ளார்.

நிதித் துறைச் செயலர் கிருஷ்ண மோகன் உப்பு வெளி​யிட்​டிருந்த உத்​தர​வில் “புதுச்சேரி யூனியன் பிரதேசத்​தின் அனைத்து ரேஷன் கார்​டு​தா​ரர்​களுக்​கும் பொங்​கல் மானிய​மாக ரூ.3 ஆயிரம் தர துணைநிலை ஆளுநர் ஒப்​புதல் அளித்​துள்​ளார்.

பயனாளி சார்ந்த திட்​டங்​களை செயல்​படுத்​தும் குடிமைப்​பொருள் வழங்​கல் துறை, ஆதி​தி​ரா​விடர் மற்​றும் பழங்​குடி​யினர் நலத்​துறை, பெண்​கள் மற்​றும் குழந்​தைகள் மேம்​பாட்​டுத்​துறை ஆகிய​வற்​றுக்கு ஒதுக்​கப்​பட்ட நிதி ஒதுக்​கீட்​டில் இருந்​து, பயனாளி​களுக்கு பொங்​கல் பரிசுதொகை ரூ. 3 ஆயிரம் வழங்க நடவடிக்கை எடுக்​கப்​பட்​டுள்​ளது” என்று தெரி​வித்​துள்​ளார்.

புதுச்சேரியில் மொத்​தம் 3 லட்​சத்து 69 ஆயிரத்து 461 ரேஷன் கார்​டு​கள் உள்​ளன. புது​வை​யில் 2 லட்​சத்து 63 ஆயிரத்து 386 குடும்​பத்​தினர், காரைக்​காலில் 60 ஆயிரத்து 225, மாஹே​யில் 7,981, ஏனாமில் 15,498 என மொத்​தம் 3 லட்​சத்து 47 ஆயிரத்து 90 குடும்​பத்​தினர் பயனடைவர். இதன் மூலம் அரசுக்கு ரூ.104 கோடியே 12 லட்​சத்து 70 ஆயிரம் செல​வாகும் என்று தெரிவிக்​கப்​பட்​டுள்​ளது.