சென்னை: சமூகநீதி விடுதிகளில் தங்கி பயிலும் மாணவர்களின் குறைகளை நிவர்த்தி செய்யும் வகையில் புதிய கட்டுப்பாட்டு அறையை அமைச்சர் வன்னி அரசு நேற்று திறந்து வைத்தார்.
சமூகநீதி விடுதிகளில் குறைகளை நேரடியாக விரைந்து நிவர்த்தி செய்யும் வகையில் சென்னை எழிலகத்தில் உள்ள ஆதிதிராவிடர் நல இயக்குநரகத்தில் 24 மணி நேரமும் செயல்படும் கட்டுப்பாட்டு அறையை சமூகநீதி துறை அமைச்சர் வன்னி அரசு நேற்று திறந்து வைத்தார்.
புதிதாக திறக்கப்பட்டுள்ள கட்டுப்பாட்டு அறையை 7338801456 என்ற வாட்ஸ் அப் எண்ணில் மாணவர்கள் புகார்களைப் பதிவு செய்யலாம். இதில் பெறப்படும் ஒவ்வொரு புகாரும் அதிகாரிகளின் கவனத்துக்கு கொண்டு சென்று, உரிய நடவடிக்கை எடுக்கப்படும்.
நிவர்த்தி செய்யப்பட்ட புகார்கள் குறித்து இயக்குனர் தினசரி ஆய்வு மேற்கொண்டு, அந்த அறிக்கை அமைச்சருக்கு வாரந்தோறும் சமர்ப்பிக்கப்படும் என்றும் அதிகாரிகள் தெரிவித்தனர்.
