அன்றாட வாழ்வில் நேர்மை, அறநெறியை கடைபிடிக்க வேண்டும்: நீதிபதி என்.ஆனந்த் வெங்கடேஷ் அறிவுறுத்தல்

அன்றாட வாழ்வில் நேர்மை, அறநெறியை கடைபிடிக்க வேண்டும்: நீதிபதி என்.ஆனந்த் வெங்கடேஷ் அறிவுறுத்தல்
Updated on: 
1 min read

சென்னை: அன்​றாட வாழ்​வில் நேர்மை, அறநெறியை கடைபி​டிக்க வேண்​டும் என்று சென்னை உயர் நீதி​மன்ற நீதிபதி என்.ஆனந்த் வெங்​கடேஷ் வலியுறுத்​தினார்.

சென்னை மண்​டல ஜிஎஸ்டி, சென்ட்​ரல் எக்​சைஸ், கஸ்டம்ஸ் முதன்மை தலைமை ஆணை​யர் அலு​வல​கம் சார்​பில் “பொது வாழ்​வில் நேர்மை மற்​றும் அறநெறி” என்ற தலைப்​பில் உயர்​நிலை கலந்​துரையாடல் சென்னையில் நடை​பெற்​றது.

இதில் 1400-க்​கும் மேற்​பட்ட ஜிஎஸ்டி, சென்ட்​ரல் எக்​சைஸ், கஸ்​டம்ஸ் அதி​காரி​கள் பங்கேற்றனர். இதில், உயர்​நீதி​மன்ற நீதிபதி என்.ஆனந்த் வெங்​கடேஷ், இந்​திய அரசி​யலமைப்​பின் முகப்​புரையை அனைத்து அதி​காரி​களை​யும் ஒருசேர வாசிக்​கச் செய்து உறுதி​மொழி எடுக்​கச் செய்தார்.

தொடர்ந்து, ஈசா வாஸ்ய உபநிடதங்களை எடுத்துக்​கூறி சுயநலமின்மை, கடமை, பொது நம்​பிக்கை ஆகியவற்​றின் முக்​கியத்​து​வத்தை எடுத்துரைத்​தார்.

தனது வாழ்​வியல் மற்​றும் பணி அனுபவங்களை பகிர்ந்​து கொண்ட அவர், “பொது வாழ்​வில் முடிவு​களை எடுப்​ப​தற்கு அறநெறி கோட்பாடுகள் பெரிதும் உதவி​கர​மாக இருக்​கும்.

நேர்​மையையும் அறநெறியையும் வெறும் சட்​டப் ​பூர்வ கடமை​களாக எண்​ணா​மல் அவற்றை அன்​றாட வாழ்வில் கடைபி​டிக்க வேண்​டும்.

பொது மக்​களின் நம்​பிக்​கையும் ஜனநாயக நிறு​வனங்​களும் நீடித்து நிலைத்​திருக்க அவை அவ​சி​யம்” என்று வலியுறுத்​தினார்.

முன்​னதாக ஜிஎஸ்டி, சென்ட்​ரல் எக்​சைஸ், கஸ்​டம்ஸ் முதன்மை தலைமை ஆணையர் எஸ்.கே.விமலநாதன் பேசும்​போது, மக்களுக்கு சேவை வழங்கு​வதில் அறநெறி, வெளிப்​படைத்​தன்மை, பொறுப்​புணர்வு ஆகிய​வற்​றின் பங்​கை எடுத்துரைத்தார்.

அன்றாட வாழ்வில் நேர்மை, அறநெறியை கடைபிடிக்க வேண்டும்: நீதிபதி என்.ஆனந்த் வெங்கடேஷ் அறிவுறுத்தல்
விஜயபாஸ்கர் ஆஜராக அமலாக்கத் துறை மீண்டும் சம்மன்

X