‘இந்து தமிழ் திசை’ நாளிதழின் ‘நம்ம சென்னை பிராப்பர்ட்டி ஃபேர்’ - 2 நாள் வீட்டு வசதி கண்காட்சி தொடங்கியது

‘இந்து தமிழ் திசை’ நாளிதழின் ‘நம்ம சென்னை பிராப்பர்ட்டி ஃபேர்’ - 2 நாள் வீட்டு வசதி கண்காட்சி தொடங்கியது

படம்:எல்.சீனிவாசன்

Updated on: 
2 min read

சென்னை: ‘இந்து தமிழ் திசை’ நாளிதழ் நடத்​தும் ‘நம்ம சென்னை பிராப்​பர்ட்டி ஃபேர்’ என்ற 2 நாள் வீட்டு வசதி கண்​காட்சி, சென்னை நந்​தம்​பாக்​கம் வர்த்​தக மையத்​தில் நேற்று தொடங்கியது.

‘இந்து தமிழ் திசை’ நாளிதழும், ஐ ஆட்ஸ் & ஈவென்ட்ஸ் நிறு​வனமும் இணைந்து நடத்​தும் ‘நம்ம சென்னை பிராப்​பர்ட்டி ஃபேர்’ என்ற 2 நாள் வீட்டு வசதி கண்​காட்சி, சென்னை நந்​தம்​பாக்​கம் வர்த்​தக மையத்​தில் நேற்று தொடங்​கியது. இந்த கண்​காட்​சியை தமிழ்​நாடு வீட்டு வசதி வாரியத்​தின் தலை​வர் வி.சிவா குத்​து​விளக்​கேற்றி தொடங்கி வைத்​தார். கண்​காட்​சி​யின் பங்​குதா​ரராக காசாகிராண்ட் நிறு​வனமும், இணை பங்​குதா​ரர்​களாக ஆதித்​யாராம் குழு​மம், அபி எஸ்​டேட் நிறு​வனம், ஜிடிபி நிறு​வனம் ஆகிய​வையும் செயல்​படு​கின்​றன.

தொடக்க விழா​வில் காசாகிராண்ட் இணை துணைத் தலை​வர் கவுதம் பிர​பாகரன், ஆதித்​யாராம் குழு​மத்​தின் இணை முதன்மைச் செயல் அதி​காரி சிவகுமார், தமிழ்​நாடு வீட்டு வசதி வாரியத்​தின் தலைமை பொறி​யாளர் கண்​ணன் உள்​ளிட்​டோர் பங்​கேற்​றனர். கண்​காட்​சி​யில் அடுக்​குமாடி குடி​யிருப்​பு​கள், மனைகள், பட்​ஜெட் வீடுகள், சொகுசு வில்​லாக்​கள், வரிசை வீடுகள் ஆகிய​வற்​றுக்​காக காசாகிராண்ட், ஆதித்​யாராம் குழுமம், அபி எஸ்​டேட், ஜிடிபி உள்​ளிட்ட பிரபல தனியார் கட்டுமான நிறு​வனங்​கள் மற்​றும் வீட்டு கடன் வழங்க இந்​தி​யன் வங்கி என 50-க்​கும் மேற்​பட்ட அரங்​கு​கள் அமைக்​கப்​பட்​டுள்​ளன. காலை 10 முதல் இரவு 8 மணி வரை கண்​காட்சி நடைபெறும். பொது​மக்​களுக்கு அனுமதி இல​வசம்.

கண்​காட்சி குறித்து காசாகிராண்ட் இணை துணைத் தலை​வர் கவுதம் பிர​பாகரன் கூறும்​போது, “சென்​னை​யில் ஈசிஆர், ஓஎம்ஆர், பல்​லா​வரம், குரோம்​பேட்டை, போரூர், முகப்​பேர், கொளத்​தூர், மாதவரம் உள்​ளிட்ட நகரின் அனைத்து முக்​கியப் பகுதி​களி​லும் காசாகிராண்​டின் வில்​லாக்​கள் மற்​றும் அடுக்குமாடிக் குடி​யிருப்​புத் திட்​டங்​கள் உள்​ளன. ரூ.50 லட்​சம் முதல் ரூ.5 கோடி வரையி​லான இத்​திட்​டங்​களில், கட்​டு​மான இடத்தை நேரில் பார்​வை​யிட வரும் வாடிக்​கை​யாளர்​களுக்கு தனித்​து​வ​மான சலுகைகள் வழங்​கப்​படும். வெறும் தனி வீடாக இல்​லாமல், குடி​யிருப்​பாளர்​கள் அனைவரும் ஒன்​றிணைந்து பழகும் வகை​யி​லான ஒரு சமூக கட்​டமைப்​பாக உரு​வாக்​கு​வதே எங்​களது நோக்​கம்” என்​றார்.

ஆதித்​யா ராம் குழு​மத்​தின் விற்​பனைத் துறை தலை​வர் ஜெ.ஸ்ரீனிவாசன் கூறும்​போது, “32 ஆண்டு கால அனுபவத்​தால் ஆதித்​யா ராம் குழு​மம் மக்​களிடையே ஆழமாகப் பதிந்​துள்​ளது. இந்த முறை ஈசிஆரில் ‘பேலஸ் சிட்டி’ என்ற பெயரில் ரூ.5 கோடி முதல் ரூ.10 கோடி வரையி​லான அரண்​மனை வடிவ​மைப்​பிலான வில்​லாக்​கள், கேளம்​பாக்​கம் அருகே 53 ஏக்​கர் பரப்​பளவில் 490 வீட்​டுமனைகளை கொண்ட ‘டவுன்​ஷிப்’ திட்​டம், ஓஎம்​ஆரில் 20 ஏக்கர் பரப்​பளவில் ‘ஹேப்​பினெஸ்ட்’ திட்​டம், படப்​பையில் ‘ரோமன் தீம்’ கிரவுன் திட்​டம் என பல்​வேறு பிரம்​மாண்ட திட்டங்களை கொண்​டுவந்​துள்​ளோம். கண்​காட்​சி​யில் நேரில் வீட்டுமனைகளை முன்​ப​திவு செய்​யும் வாடிக்​கையாளர்​களுக்​குப் பிரத்​யேக சலுகை​யாக மின்​சார இருசக்​கர வாக​னங்​களும் வழங்கவும் திட்​ட​மிட்​டுள்​ளோம்” என்​றார்.

ஜிடிபி நிறு​வனத்​தின் விற்​பனை பிரிவு மேலா​ளர் நிகிதா கூறும்போது, “தொழில்​துறை கட்​டு​மானம், மூத்த குடிமக்களுக்கான பிரத்​யேக குடி​யிருப்​பு​கள், ஆடம்​பர மற்​றும் மலிவு விலை குடி​யிருப்​பு​கள் என பல்​வேறு பிரிவு​களில் திட்டங்களை செயல்​படுத்தி வரு​கிறோம். இதன் ஒரு பகுதி​யாக ‘ரைசிங் பாம்’ என்ற துபாய் பாணி​யி​லான அடுக்​குமாடி குடியிருப்பு​கள் மற்​றும் வில்​லாக்​கள் கொண்ட புதிய திட்டத்தையும், ஈசிஆரில் செயற்கை கடற்​கரை​யுடன் கூடிய ஆடம்​பர குடி​யிருப்பு திட்​டத்​தையும் அறி​முகப்​படுத்​தி​யுள்​ளோம். கண்​காட்​சி​யில் முன்​ப​திவு செய்​பவர்​களுக்கு இல​வச கார் பார்க்கிங் வசதி​யுடன் கூடிய சிறப்​புத் தள்​ளு​படிகள் வழங்கப்படும்” என்​றார்.

இந்​தி​யன் வங்கி உதவி பொது மேலா​ளர் அகில்​பந்துகோஷ் கூறும்போது, “இந்​தி​யன் வங்கி சந்​தையிலேயே மிக குறைந்த வட்டி விகித​மான 7.35 சதவீதத்​தில் வீட்டு கடன்​களை வழங்குகிறது. பண்​டிகை கால சலுகை​யாக வீட்டு கடன்​களுக்கு எவ்​வித செய​லாக்க கட்​ட​ணமும் வசூலிக்​கப்​படுவதில்லை. வீடு வாங்​கும் வாடிக்​கை​யாளர்​களுக்கு கடன் பரிசீலனை எளிதாக்கப்பட்டு, அதி​கபட்​ச​மாக 3 முதல் 4 வேலை நாட்​களுக்​குள் கடன் ஒப்​புதல் வழங்க வழிவகை செய்​யப்​பட்​டுள்​ளது’’ என்றார்.

‘இந்து தமிழ் திசை’ நாளிதழின் ‘நம்ம சென்னை பிராப்பர்ட்டி ஃபேர்’ - 2 நாள் வீட்டு வசதி கண்காட்சி தொடங்கியது
கொளத்தூர் இடைத்தேர்தலில் மு.க.ஸ்டாலின் போட்டியா? - அண்ணா அறிவாலயத்தில் தீவிர ஆலோசனை

X