கோப்புப் படம்
சென்னை: ‘குவாரி குத்தகை உரிமம் எளிதாகப்பெற நடவடிக்கை எடுக்கப்படும்’ என்று அமைச்சர் டி.கே.பிரபு தெரிவித்தார்.
கல்குவாரி, கிரஷர், செங்கல் உற்பத்தியாளர்கள் மற்றும் லாரி உரிமையாளர்கள் சங்கப் பிரதிநிதிகளுடனான கலந்தாய்வுக் கூட்டம் சென்னையில் நேற்று நடந்தது.
இதில் அமைச்சர் பேசியது: நிலுவையில் உள்ள குவாரி குத்தகை விண்ணப்பங்கள் மற்றும் புதிய குவாரிகளுக்கான அனுமதி தொடர்பாக மாவட்ட அதிகாரிகள் விரைந்து நடவடிக்கை எடுக்க உத்தரவிடப்பட்டுள்ளது. அங்கீகரிக்கப்பட்டசுரங்கத் திட்டத்தில் நிர்ணயிக்கப்பட்ட கனிம இலக்கை முழுமையாக எட்டி, அதற்கான உரிமத் தொகையை அரசுக் கணக்கில் செலுத்த வேண்டும்.
அரசுக்கு அதிக வருவாய் ஈட்டித் தரும் குவாரி உரிமையாளர்களுக்கு விருது தரப்படும். செங்கல் சூளைகளுக்குத் தேவையான மண் எடுப்பதற்கான விதிமுறைகள் மறுஆய்வு செய்யப்படும். கனிம வாகனங்களில் ஜிபிஎஸ் கருவி பொருத்த வேண்டும்.ஜல்லி, எம்-சாண்ட், செங்கல் உள்ளிட்ட கட்டுமானப் பொருட்களை உற்பத்தி செய்து உகந்த விலையில் கிடைக்கச் செய்ய வேண்டும்.
