சென்னை: சென்னையில் ஆபரணத் தங்கம் விலை நேற்று பவுனுக்கு ரூ.160 உயர்ந்து, ரூ.99,200-க்கு விற்பனை செய்யப்பட்டது.
தங்கம் விலை ஏற்ற இறக்கமாக இருந்த நிலையில், டிச.12-ல் வரலாறு காணாத வகையில் பவுன் ரூ.98,960 ஆக உயர்ந்தது. பின்பு, டிச.15-ல் ஒரு லட்சம் ரூபாயை தாண்டி, மீண்டும் வரலாறு காணாத புதிய உச்சத்தை தொட்டது. அன்றைய நாளில் ரூ.1 லட்சத்து 120-க்கு விற்பனை செய்யப்பட்டது. இதைத் தொடர்ந்து, ஏற்ற இறக்கமாக இருக்கிறது.
இந்நிலையில், சென்னையில் ஆபரணத் தங்கம் விலை நேற்று பவுனுக்கு ரூ.160 உயர்ந்து, ரூ.99,200-க்கு விற்பனை செய்யப்பட்டது. ஒரு கிராம் தங்கம் ரூ.20 உயர்ந்து, ரூ.12,400-க்கு விற்கப்பட்டது. 24 காரட் தங்கம் ரூ.1,08,216 ஆக இருந்தது. அதேநேரத்தில்,வெள்ளி விலை கணிசமாக குறைந்தது. வெள்ளி கிராமுக்கு ரூ.5 குறைந்து, ரூ.226 ஆகவும், கட்டி வெள்ளி கிலோவுக்கு ரூ.5 ஆயிரம் குறைந்து, ரூ.2 லட்சத்து 26 ஆயிரமாக இருந்தது.
