‘விவசாயிகளுக்கு தாமதமின்றி வறட்சி நிவாரணம்’ - உதயநிதி ஸ்டாலின் வலியுறுத்தல்

‘விவசாயிகளுக்கு தாமதமின்றி வறட்சி நிவாரணம்’ - உதயநிதி ஸ்டாலின் வலியுறுத்தல்
Updated on: 
1 min read

சென்னை: முதல்வர் விஜய்யின் விளம்பர வெறியால் டெல்டாவில் பயிர்கள் கருகுவதாகக் குற்றம் சாட்டியுள்ள எதிர்க்கட்சித் தலைவர் உதயநிதி ஸ்டாலின், விவசாயிகளின் துயர் துடைக்க உடனே வறட்சி நிவாரணம் அறிவிக்க வேண்டும் என வலியுறுத்தியுள்ளார்.

இது தொடர்பாக அவர் வெளியிட்டுள்ள சமூக ஊடக எக்ஸ் பதிவில், ‘இந்த ஆட்சியாளர்கள் ஜுன் 12-ஆம் தேதி மேட்டூர் அணையை திறக்காமல் விட்டதால் குறுவை பொய்த்தது.

சம்பா சாகுபடிக்கு சரியான நேரத்தில் தண்ணீர் திறந்து விட வேண்டும் என்ற விவசாயிகள் மற்றும் திமுக உள்ளிட்ட எதிர்க்கட்சிகளின் பேச்சை கேட்காமல், முதல்வர் விஜய், Reels வெறியோடு முன்கூட்டியே செப்டம்பர் 1 அன்று தண்ணீர் திறந்துவிட்டார்.

அதனால், இப்போது தண்ணீரின்றி டெல்டாவில் பயிர்கள் கருகுகின்றன. இந்த நிலை ஏற்படக்கூடும் என்றும் எனவே முன்னெச்சரிக்கை நடவடிக்கை தேவை என்றும் கடந்த மாதமும் அதற்கு முன்பும் இரண்டு முறை இந்த அரசை எச்சரித்தோம்.

ஆனால், எதிர்க்கட்சிகளின் ஆலோசனைகளை ஏற்கவோ, காது கொடுத்து கேட்கவோ கூடாது எனும் இந்த கோமாளி ஆட்சியாளர்களின் வெட்டி Ego-வால், விவசாயிகள் இன்று துயரில் நிற்கிறார்கள்.

ஏற்கனவே, முழுப்பயிர்க்கடன் தள்ளுபடி என்று சொல்லி விவசாயிகளை ஏமாற்றியது போல், இப்போதும் ஏமாற்றாமல், பயிர்ச்சேதம் தொடர்பாக வெளிப்படையான கள ஆய்வை இந்த அரசு உடனடியாக மேற்கொள்ள வேண்டும்.

விவசாயிகளின் கவலையில் Content தேறுமா என்று பார்க்காமல், அவர்களின் கண்ணீர் துடைக்கும் வகையில் தாமதமின்றி வறட்சி நிவாரணம் வழங்க வேண்டும்!’ என தெரிவித்துள்ளார்.

‘விவசாயிகளுக்கு தாமதமின்றி வறட்சி நிவாரணம்’ - உதயநிதி ஸ்டாலின் வலியுறுத்தல்
“தொண்டர்கள் சொல்வதை ஒருமுறை காது கொடுத்து கேளுங்கள்” - பழனிசாமிக்கு வேலுமணி வேண்டுகோள்

X