சர்வதேச மகளிர் தினம்: சிறப்பு நிகழ்ச்சி நடத்த யுஜிசி உத்தரவு

சென்னை: சர்வதேச மகளிர் தினத்தையொட்டி மார்ச் 1-ம் தேதி முதல் ஒரு வார காலத்துக்கு சிறப்பு நிகழ்ச்சிகளை நடத்த வேண்டும் என உயர் கல்வி நிறுவனங்களுக்கு உத்தரவிடப்பட்டுள்ளது.

இது தொடர்பாக அனைத்து பல்கலை. துணைவேந்தர் உள்ளிட்டோருக்கு பல்கலைக்கழக மானியக் குழுவின் (யுஜிசி) செயலர் ரஜ்னிஷ் ஜெயின் அனுப்பிய சுற்றறிக்கை:

பாலின சமத்துவம் மற்றும் பெண்களின் சாதனைகளை போற்றும் வகையில் ஆண்டுதோறும் மார்ச் 8-ம் தேதி சர்வதேச பெண்கள் தினம் கொண்டாடப்படுகிறது.

இதன் ஒருபகுதியாக மார்ச் 1-ம் தேதி முதல் ஒரு வாரத்துக்கு சர்வதேச மகளிர் தின சிறப்பு நிகழ்ச்சிகளை அனைத்து உயர்கல்வி நிறுவனங்களும் நடத்த வேண்டும்.

இதனை பெண்களுக்கு எதிரான வன்முறை, பாலினபேதம் போன்றவை இல்லாதசமூகம் உருவாவதற்கான ஒரு முன்னெடுப்பாக செய்ய வேண்டும். இவ்வாறு அதில் கூறப்பட்டுள்ளது.