53-வது நினைவு தினம்: அண்ணா நினைவிடத்தில் முதல்வர் நாளை அஞ்சலி

சென்னை: அண்ணாவின் நினைவுநாளை முன்னிட்டு அவரது நினைவிடத்தில் முதல்வர் மு.க.ஸ்டாலின் நாளை (பிப்.3) அஞ்சலி செலுத்துகிறார். இது கரோனா காலம் என்பதால் பெருங்கூட்டமாக கூட வேண்டாம் என அறிவிக்கப்பட்டுள்ளது.

மறைந்த முன்னாள் முதல்வர் அண்ணாவின் 53-வது நினைவு நாள் பிப்ரவரி 3-ம் தேதி (நாளை) அனுசரிக்கப்படுகிறது. இதுதொடர்பாக திமுக வெளியிட்ட செய்திக்குறிப்பு:

பேரறிஞர் அண்ணாவின் 53-வது நினைவு நாளையொட்டி திமுக தலைவர் தலைமையில் பொதுச் செயலாளர் துரைமுருகன், பொருளாளர் டி.ஆர்.பாலு மற்றும் கட்சியின் முன்னணியினர் பிப்ரவரி 3-ம் தேதி காலை 8 மணிக்கு காமராஜர் சாலையில் உள்ள அண்ணாவின் நினைவிடத்தில் மலர்வளையம் வைத்து அஞ்சலி செலுத்த உள்ளனர். இது கரோனா காலம் என்பதால் பெருங்கூட்டமாக கூட வேண்டாம் என கேட்டுக் கொள்கிறோம்.

இவ்வாறு திமுக வெளியிட்டுள்ள செய்திக்குறிப்பில் தெரிவிக்கப்பட்டுள்ளது.