Published : 18 Oct 2020 07:37 PM
Last Updated : 18 Oct 2020 07:37 PM

எர்ணாகுளம் மாவட்டம் முழுவதும் நகர எரிவாயு திட்டம்; இடையூறு இல்லாமல் விநியோகிக்க ஏற்பாடு.

கொச்சி

நகர எரிவாயு விநியோகத் திட்டத்தை எர்ணாகுளம் மாவட்டத்தின் அனைத்து தாலுகாக்களிலும் செயல்படுத்த அரசு முடிவு செய்துள்ளது. தற்போது, ‘கரிங்காச்சிரா-விலிருந்து குண்டன்னூர் வழியாகவும், எடப்பள்ளி வழியாக ஆலுவா வரையிலும் இயற்கை எரிவாயு குழாய் கிடைக்கிறது. இதை அங்கமாலி, பெரம்பாவூர் மற்றும் கோலஞ்சேரி வரை நீட்டிக்க முடிவு எடுக்கப்பட்டுள்ளது. இதற்குள்ளிட்ட ஆறு நகராட்சிகளிலும் இதற்கான அடித்தளம் தொடங்கப்பட்டுள்ளது.

தற்போது, திரிக்ககர நகராட்சியில் 2,500 வீடுகளுக்கு எரிவாயு கிடைத்து வருகிறது. 1,500 வீடுகளில் பிளம்பிங் பணிகள் முடிக்கப்பட்டுள்ளன. ஒன்பது சி.என்.ஜி நிலையங்களுக்கு மேலதிகமாக, வெலிங்டன் தீவு, கலாடி, பெருமும்பூர் மற்றும் பூத்தோட்டம் ஆகிய இடங்களில் பணிகள் நடைபெற்று வருகின்றன. திட்டத்தை செயல்படுத்த அனுமதி வழங்காத நகராட்சிகள் 21 நாட்களுக்குள் முடிவெடுக்க உத்தரவிடப்பட்டுள்ளன.

இந்த திட்டத்தை செயல்படுத்துவதன் மூலம், எந்தவொரு இடையூறும் இல்லாமல், ஒவ்வொரு வீட்டிலும் இயற்கை எரிவாயு கிடைக்கும். வழக்கமான எரிபொருளை விட இந்த எரிவாயு 30 சதவீதம் மலிவாக இருக்கும். உள்நாட்டு நுகர்வோருக்கு கூடுதலாக, சி.என்.ஜி வாகனங்கள், வணிக மற்றும் தொழில்துறை நுகர்வோர் இத்திட்டத்தின் மூலம் பயனடைவார்கள். சி.என்.ஜி வாகனங்களில் எரிவாயு பயன்பாடு காற்று மாசுபாட்டைக் குறைக்கிறது. வாயுவின் அடர்த்தி மற்ற சமையல் வாயுக்களை விட மிகக் குறைவாக இருப்பதால் பயன்படுத்துவதும் பாதுகாப்பானது.

நீர் மற்றும் மின்சார பில்களைப் போலவே, எரிவாயு பில்களையும் பயன்பாட்டின் அடிப்படையில் மீட்டர் இயக்கத்திற்கு ஏற்ப செலுத்த வேண்டும். உள்நாட்டு நுகர்வோருக்கு விலை எம்.எம்.பி.டி.யூ--க்கு ரூ.752.92 (Metric Million British Thermal Unit) விலையில் வழங்கப்படும். வணிக வாடிக்கையாளர்களுக்கு ஒரு யூனிட்டுக்கு ரூ.850.33 மற்றும் தொழில்துறை வாடிக்கையாளர்களுக்கு யூனிட் ஒன்றுக்கு ரூ.720.72. சி.என்.ஜி நுகர்வோரின் விலை கிலோவுக்கு ரூ.57.30 என்ற அடிப்படையில் வழங்கப்படும். நான்கு பேர் கொண்ட ஒரு குடும்பத்தின் சராசரி மாதாந்திர இயற்கை எரிவாயு நுகர்வு 0.4 அலகுகளாக மதிப்பிடப்பட்டுள்ளது, இதன் மாதாந்திர செலவு ரூ.300 மட்டுமே.

இயற்கை எரிவாயு, பெட்ரோனெட் எல்.என்.ஜி முனையத்திலிருந்து கெயில் எரிவாயு குழாயை அடைகிறது. கலாமசேரியில் உள்ள வால்வு நிலையத்திலிருந்து இந்தியன் ஆயில் அதானி கேஸ் பிரைவேட் லிமிடெட் (Indian Oil Adani Gas Pvt Ltd - IAGPL) குழாய்க்கு கெயில் இயற்கை எரிவாயுவை வழங்குகிறது. IOAGPL பின்னர் எஃகு அல்லது MDPE குழாய் வழியாக வாடிக்கையாளர்களுக்கு வாயுவை வழங்குகிறது.

நகர எரிவாயு திட்டத்தை அமைக்க முடியும் மற்றும் மத்திய அரசு அமைப்பான பெட்ரோலியம் மற்றும் இயற்கை எரிவாயு ஒழுங்குமுறை வாரியத்திலிருந்து (பி.என்.ஜி.ஆர்.பி) பெறப்பட்ட உரிமத்தின் கீழ் அனுமதிக்கப்பட்ட பகுதியில் மட்டுமே இயற்கை எரிவாயு வழங்க முடியும். கேரளாவில், பி.என்.ஜி ஆர்.பி.யின் நான்காவது ஏல சுற்றில் எர்ணாகுளம் மாவட்டத்தில் இயற்கை எரிவாயு வழங்க ஐ.ஓ.ஏ.ஜி.பி.எல். ஒன்பதாவது ஏல சுற்றில் திருச்சூர், பாலக்காடு, மலப்புரம், கண்ணூர், காசர்கோடு, கோழிக்கோடு மற்றும் வயநாடு மாவட்டங்களுக்கு ஒப்புதல் அளிக்கப்பட்டுள்ளது.

மேற்கண்ட தகவல்கள் கேரள அரசின் தகவல்-மக்கள் தொடர்புத்துறை இன்று (அக். 18) வெளியிட்டுள்ள அறிக்கையில் கூறப்பட்டுள்ளது.

தவறவிடாதீர்!

Sign up to receive our newsletter in your inbox every day!

 
x