Published : 29 Jun 2019 09:37 am

Updated : 29 Jun 2019 09:37 am

 

Published : 29 Jun 2019 09:37 AM
Last Updated : 29 Jun 2019 09:37 AM

சென்னை கோட்டத்தில் விரைவு ரயில்களின் புதிய கால அட்டவணை வெளியீடு: 49 விரைவு ரயில்களின் நேரம் மாற்றம் 

49

சென்னை கோட்டத்தில் இருந்து இயக்கப்படும் விரைவு ரயில்களின் புதிய கால அட்டவணை நேற்று வெளியிடப்பட்டது. அதன்படி 49 விரைவு ரயில்களின் நேரம் மாற்றியமைக்கப்பட்டுள்ளது.

ஜூலை 1 முதல் புதிய கால அட்டவணைப்படி விரைவு ரயில்கள் இயக்கப்படும் என அறிவிக்கப்பட்டுள் ளது.


இதுதொடர்பாக தெற்கு ரயில்வே நேற்று வெளியிட்டுள்ள செய்திக்குறிப்பில் கூறியிருப்பதாவது:

புதுச்சேரி - கன்னியாகுமரி (16861) வாராந் திர ரயில் இனி ஞாயிற்றுக் கிழமைகளிலும், கன்னியாகுமரி - புதுச்சேரி (16862) வாராந்திர ரயில் இனி திங்கள்கிழமைகளிலும் வரும் 7-ம் தேதி முதல் இயக்கப்படுகின்றன.

சென்னை கோட்டத்தில் இருந்து இயக்கப் படும் விரைவு ரயில்களில் 49 விரைவு ரயில்களின் நேரம் மாற்றப்பட்டு புதிய காலஅட்டவணை வெளியிடப்பட்டுள்ளது. அதன்படி, விரைவு ரயில்களின் மாற்றியமைக் கப்பட்ட நேர விவரம் வருமாறு (பழைய நேரம் அடைப்புக்குறிக்குள்):

சென்ட்ரலுக்கு வருகை

மேட்டுப்பாளையம் - சென்னை சென்ட்ரல் (எம்ஜிஆர்) விரைவு ரயில் (12672) அதிகாலை 5 (அதிகாலை 5.05), ஜெய்ப்பூர் வாரம் இருமுறை விரைவு ரயில் (12968) காலை 9.30 (காலை 9.45), திருவனந்தபுரம் வாரம் இருமுறை விரைவு ரயில் (22208) காலை 10.15 மணிக்கு (மதியம் 12 மணி) உட்பட 6 விரைவு ரயில்களின் வருகை நேரம் 5 நிமிடங்கள் முதல் அதிகபட்சமாக 1 மணி 45 நிமிடங்கள் வரை மாற்றியமைக்கப்பட்டுள்ளது.

சென்ட்ரலில் இருந்து புறப்பாடு

சென்னை சென்ட்ரல் - கேஎஸ்ஆர் பெங்களூரு (12639) காலை 7.40 (காலை 7.50), திருவனந்தபுரம் விரைவு ரயில் (12695) மாலை 3.20 (மாலை 3.25), திருவனந்தபுரம் வாராந்திர ரயில் (12697) மாலை 3.10 (மாலை 3.15), கேஎஸ்ஆர் பெங்களூரு விரைவு ரயில் (12607) மாலை 3.30 (மாலை 3.35) உட்பட 10 விரைவு ரயில்களின் புறப்படும் நேரத்தில் 5 நிமிடங்கள் முதல் 45 நிமிடங்கள் வரை மாற்றப்பட்டுள்ளது.

எழும்பூருக்கு வருகை

சேலம் - சென்னை எழும்பூர் (22154) அதிகாலை 3.40 (அதிகாலை 3.45), காகிநாடா - செங்கல்பட்டு காலை 6.05 (காலை 6.30), நிஜாமுதீன் - மதுரை வாரம் இருமுறை விரைவு ரயில் (12652) காலை 5.55 (6.05), காரைக்கால் - லோக்மான்யதிலக் வாராந்திர ரயில் (11018) இரவு 9.50 (இரவு 10) உட்பட 13 விரைவு ரயில்களின் வருகை நேரம் 5 நிமிடங்கள் முதல் அதிகபட்சமாக 25 நிமிடங்கள் வரை மாற்றியமைக்கப்பட்டுள்ளது.

எழும்பூரில் இருந்து புறப்பாடு

சென்னை எழும்பூர் - குருவாயூர் (16127) காலை 8.25 (காலை 8.15), அனந்தபுரி விரைவு ரயில் (16723) இரவு 8.10 (இரவு 7.50), திருநெல்வேலி விரைவு ரயில் (12631) இரவு 7.50 (இரவு 8.10), தஞ்சாவூர் விரைவு ரயில் (16865) இரவு 10.55 (இரவு 10.40), சேலம் விரைவு ரயில் (22153) இரவு 10.45 (இரவு 11) உட்பட 14 விரைவு ரயில்களின் நேரம் மாற்றியமையக்கப்பட்டுள்ளது.

செங்கல்பட்டு விரைவு ரயில்கள்

காக்கிநாடா - செங்கல்பட்டு (17644) வருகை நேரம் காலை 7.40 (காலை 8.20), செங்கல்பட்டு - காச்சிகுடா (17652) புறப்படும் நேரம் மாலை 3.20 (மாலை 3.30) என நேரம் மாற்றப்பட்டுள்ளது. அதேபோல், ஜோலார்பேட்டை - சென்னை சென்ட்ரல் வருகை நேரம் அதிகாலை 5 (அதிகாலை 4.55) என மாற்றியமைக்கப்பட்டுள்ளது.

ரயில் எண்கள் மாற்றம்

சில ரயில்களின் எண்களும் மாற்றப் பட்டுள்ளன. அதன்படி சென்னை எழும்பூர் - மங்களூர் விரைவு ரயில் (16159/16160), குருவாயூர் - திருவனந்தபுரம் விரைவு ரயில் (16841/16842), தாம்பரம் - விழுப்புரம் ரயில் (56059/56060), அரக்கோணம் - ஜோலார்பேட்டை ரயில் (56121/56122) ஆகியவை மாற்றப்பட்டுள்ளன..

இவ்வாறு செய்திக்குறிப்பில் கூறப் பட்டுள்ளது.




சென்னை கோட்டம்விரைவு ரயில்கள்புதிய கால அட்டவணை வெளியீடுஎழும்பூரில் இருந்து புறப்பாடுசென்ட்ரலில் இருந்து புறப்பாடுரயில் எண்கள் மாற்றம்

Sign up to receive our newsletter in your inbox every day!

More From This Category

More From this Author

x