சென்னை: ஆட்டோ புதிய கட்டணம் தொடர்பாக விரிவான பட்டியலை அனைத்து ஆட்டோ சங்கங்களின் கூட்டமைப்பு வெளியிட்டுள்ளது. பிப்.1-ம் தேதி முதல் புதிய கட்டணம் வசூலிக்கப்படும் என ஆட்டோ ஓட்டுநர்கள் அறிவித்துள்ளனர்.
அனைத்து ஆட்டோ சங்கங்களின் கூட்டமைப்பின் ஒருங்கிணைப்பாளர் டி.ஏ.ஜாஹீர் ஹுசைன் கட்டணம் தொடர்பான விரிவான பட்டியலை வெளியிட்டுள்ளார்.
அதன்படி, முதல் 1.8 கி.மீ-க்கு ரூ.50, கூடுதலான ஒவ்வொரு கிமீ-க்கும் ரூ.18, காத்திருப்பு கட்டணம் நிமிடத்துக்கு ரூ.1.50, இரவு நேரத்தில் (இரவு 11 முதல் அதிகாலை 5) பகல் நேர கட்டணத்தில் 50 சதவீதம் அதிகம் வசூலிக்கப்படும் என தெரிவிக்கப்பட்டுள்ளது.