ஐடிஐ-களில் சேர நாளை வரை விண்ணப்பிக்கலாம்

சென்னை: அரசு ஐடிஐ-களில் சேர நாளை (ஜூன் 7) வரை ஆன்லைனில் விண்ணப்பிக்கலாம் என சென்னை மாவட்ட ஆட்சியர் ரஷ்மி சித்தார்த் ஜகடே கூறியுள்ளார்.

இது தொடர்பாக அவர் நேற்று வெளியிட்ட செய்திக்குறிப்பில் கூறியிருப்பதாவது: அரசு ஐடிஐ-க்களில் சேருவதற்கான விண்ணப்பங்கள் கடந்த மே 10-ம் தேதி முதல் ஆன்லைனில் (www.skilltraining.tn.gov.in) பெறப்பட்டு வருகின்றன. விண்ணப்ப கட்டணம் ரூ.50. இதை டெபிட் கார்டு, கிரெடிட் கார்டு மற்றும் நெட் பேங்கிங் வாயிலாக ஆன்லைனில் செலுத்தலாம். விண்ணப்பிக்க கடைசி நாள் ஜூன் 7-ம் தேதி ஆகும்.

அரசு ஐடிஐ-யில் சேரும் மாணவர்களுக்கு மாதம்தோறும் ரூ.750 உதவித்தொகை, மடிக்கணினி, ஷூ, சீருடை, வரைபடக்் கருவிகள், விடுதி வசதி, பஸ் பாஸ் ஆகியவை வழங்கப்படுகின்றன. எனவே, சென்னை மாவட்டத்தைச் சேர்ந்த மாணவர்கள் இந்த வாய்ப்பை பயன்படுத்தி அரசு ஐடிஐ-யில் சேரலாம். இவ்வாறு அவர் கூறியுள்ளார்.