டாஸ்மாக் கடைகளை 4 நாட்கள் மூட உத்தரவு

சென்னை: சென்னையில் ஏப்.17 முதல் 19-ம் தேதி வரையும், வாக்கு எண்ணிக்கை நாளான ஜூன் 4-ம் தேதியும் டாஸ்மாக் கடைகளை மூட சென்னை மாவட்ட ஆட்சியர் ரஷ்மி சித்தார்த் ஜகடே உத்தரவிட்டுள்ளார்.

இதுகுறித்து அவர் நேற்று வெளியிட்ட செய்திக்குறிப்பு: மக்களவைப் தேர்தலை முன்னிட்டு, சென்னை மாவட்டத்தில் ஏப்-17 முதல்வாக்குப்பதிவு நடைபெறும் ஏப்.19-ம் தேதி இரவு வரை மற்றும் வாக்கு எண்ணும் நாளான ஜூன் 4ம் தேதி ஆகிய நாட்களில் அனைத்து டாஸ்மாக் கடைகள், அதனைச் சார்ந்த பார்கள், எப்எல் 2, எப் எல் 3, எப்எல் 3(ஏ), எப் எல் 3 ஏஏ மற்றும் எப்எல் 11 மற்றும் எப்எல் 6 நீங்கலாக மற்ற அனைத்து உரிமம் கொண்ட கிளப்களைச் சேர்ந்த பார்கள் அனைத்தும் மூடப்பட வேண்டும்.