“அதிமுக, திமுக இடையேதான் தேர்தலில் போட்டி” - நடிகை காயத்ரி ரகுராம் கருத்து

தென்காசி: தென்காசி தொகுதி அதிமுக வேட்பாளரான புதிய தமிழகம் கட்சி தலைவர் டாக்டர் கிருஷ்ணசாமியை ஆதரித்து சுரண்டை உள்ளிட்ட பல்வேறு பகுதிகளில் அதிமுக மகளிரணி துணைச் செயலாளர் நடிகை காயத்ரி ரகுராம் நேற்று பிரச்சாரம் செய்தார்.

அப்போது செய்தியாளர்களிடம் அவர் கூறியதாவது: "அதிமுகவுக்கு மக்கள் மத்தியில் அமோக வரவேற்பு உள்ளது. மத்திய, மாநில ஆளுங்கட்சிகள் மீது மக்களுக்கு நிறைய அதிருப்தி உள்ளது. அந்த வகையில் அதிமுக பொதுச் செயலாளர் பழனிசாமி மீது மக்கள் நம்பிக்கை கொண்டுள்ளனர்.

அதிமுகவுக்கும், திமுக-வுக்கும் இடையேதான் போட்டி உள்ளது. போட்டியில் வேறு எந்த கட்சியும் இல்லை. பாஜக வேட்பாளர்கள் நட்சத்திர வேட்பாளர்கள் கிடையாது. பிளாஸ்டிக் நட்சத்திரம் என்று வேண்டுமானால் சொல்லலாம்." என்றார்.