Published : 19 Jan 2024 02:05 PM
Last Updated : 19 Jan 2024 02:05 PM
சென்னை: கடந்த ஆண்டு பாஜகவில் இருந்து விலகிய நடிகை காயத்ரி ரகுராம், எடப்பாடி பழனிசாமி முன்னிலையில் அதிமுகவில் இணைந்தார்.
நடிகையும், நடனக் கலைஞருமான காயத்ரி ரகுராம் பல ஆண்டுகளாக பாஜகவில் செயல்பட்டு வந்தவர். தமிழக பாஜகவில் வெளிநாடு மற்றும் பிறமாநில தமிழ் வளர்ச்சிப் பிரிவு தலைவராகவும் இருந்து வந்தார். இந்தச் சூழலில், கடந்த ஆண்டு ஜனவரியில், கனத்த இதயத்துடன் பாஜகவில் இருந்து விலகுவதாகவும், விசாரணைக்கு வாய்ப்பு கொடுக்காத, பெண்களுக்கு சம உரிமையும் மரியாதையும் கொடுக்காத காரணங்களுக்காக தமிழக பாஜகவில் இருந்து விலகுவதாகவும் அறிவித்திருந்தார்.
இதனைத் தொடர்ந்து, சமூக வலைதளங்களில் தமிழக பாஜகவையும், அக்கட்சியின் மாநில தலைவர் அண்ணாமலையையும் விமர்சித்து வந்தார். இந்த நிலையில், இன்று (ஜன.19) அதிமுக பொதுச் செயலாளர் எடப்பாடி பழனிசாமி முன்னிலையில் தன்னை அக்கட்சியில் இணைத்துக் கொண்டுள்ளார். இதனை அதிமுக தொழில்நுட்ப பிரிவு இணைச் செயலாளர் சிடிஆர் நிர்மல்குமார் தனது எக்ஸ் தளத்தில் பதிவிட்டுள்ளார்.
எடப்பாடியார் என்னும் ஆளுமை தான் தமிழக மக்களின் ஒரே நம்பிக்கை....
— CTR.Nirmal kumar (@CTR_Nirmalkumar) January 19, 2024
வாழ்த்துக்கள் @Gayatri_Raguram pic.twitter.com/d5wXtQrI1i
Sign up to receive our newsletter in your inbox every day!
WRITE A COMMENT