Published : 22 Jul 2020 09:22 am

Updated : 22 Jul 2020 09:22 am

 

Published : 22 Jul 2020 09:22 AM
Last Updated : 22 Jul 2020 09:22 AM

பறவை விடுகதைகள்

birds

அர. செல்வமணி

1. மாலைக் கதிரோன் மங்கியதும்


மறைவில் இருந்து வெளியேறும்

வேலை இரவு முழுவதுமே

விடிந்தால் மீண்டும் மறைந்துவிடும்

உலவி இரவில் எலி பிடித்தே

உழவர்க் குதவும் பறவையது - அது என்ன?

2. ஆவின் மேலே அமர்ந்திருக்கும்

அழகாய் எங்கும் சுற்றிவரும்

தாவிப் பூச்சி பிடித்துண்ணத்

தக்க பொழுதைப் பார்த்திருக்கும்

மேவும் கறுப்பு வண்ணந்தான்

மேனி வெயிலில் மின்னுந்தான்

கவையைப் போன்ற வால்நுனியாம்- அது என்ன?

3. டக்டக் டக்டக் டக்கென்றே

தட்டும் ஒலியும் கேட்கிறதா

எட்டிப் பார்த்தால் மரத்தினிலே

இருப்பேன் பூச்சி பிடிப்பதற்கே

கொட்டும் அலகோ உளிபோலே

கூராய் வலிமை மிக்கதுவே - அது என்ன?

4. வெண்மை நிறத்தில் வயிறிருக்கும்

மேலே கறுப்பு நிறமிருக்கும்

வண்ணம் இரண்டும் சேர்ந்தொன்றாய்

வடிவைக் கூட்டும் மிக நன்றாய்

கொண்டேன் நுனிவால் கவைபோலே - அது என்ன?

5. மணமாம் மலரின் பெயரதனை

வடிவாம் புள்ளும் பெற்றதுவே

கண்கள் சிவப்பு நிறமிருக்கும்

கருத்த உடலே கொண்டிருக்கும்

வண்ணச் சிவப்பு இறகுகளாம்

வாலோ சற்று நீண்டதுவாம் -அது என்ன?

விடைகள்: 1. ஆந்தை 2. உண்ணிக் கொக்கு 3. மரங்கொத்தி
4. வெள்ளை வயிறு கரிச்சான் 5. செண்பகம்



பறவை விடுகதைகள்பறவைBirdsவிடுகதைகள்உழவர்ஆவின்வெண்மை

Sign up to receive our newsletter in your inbox every day!

You May Like

More From This Category

More From this Author

x