‘மில்லேனியல்’ இளைஞர்களைத் தொடர்ந்து ஜென் ஸீ தலைமுறையினரும் உறவுகளைக் கண்டறியத் தொழில் நுட்பத்தைப் பயன்படுத்துவது சமீப ஆண்டுகளில் அதிகரித் துள்ளது.
அந்த வகையில் டேட்டிங், காதல் உறவுகள், பிரேக் அப் ஆகியவற்றைச் சார்ந்து உருவாகியுள்ள சில புதிய போக்குகள், வார்த்தைகள்: காரணத்துடன் அணுகுதல் காதலில் பிரேக் அப் விழுந்தால், சம்பந்தப்பட்ட இருவரும் மீண்டும் பார்த்துப் பேசி பழகுவது 25 ஆண்டுகளுக்கு முன்பு அரிது.
ஆனால், இப்போது முன்னாள் காதலருடன் ஒரு காரணத்தை முன்னிட்டுப் பழகுவது (Cause-Playing) புதிய டேட்டிங் போக்கு என்கிறார்கள். ஒரு பொதுவான நல்ல காரியத்துக்கோ, தனக்கோ அல்லது நண்பர்களுக்கு உதவுவதற்காகவோ உறவு முறிந்த பிறகும் முன்னாள் காதலருடன் நட்புப் பாராட்டுவது இந்தப் போக்கின் அம்சம். இதற்கென்றே செயலிகள்கூட இருக்கின்றன.
