ப்ரீமியம்
டெக் நாலெட்ஜ் 06 - பழகலாம், வரையலாம் ஓவியம்

வரலாற்றின் வெவ்வேறு காலகட்டத்தில் குகைகள், சுவர்களில் ஓவியங்களை வரையத் தொடங்கி, காகிதம், கணினி என்று பரிணமித்து இன்று திறன்பேசியில் ஓவியங்களை வரையும் அளவுக்கு தொழில்நுட்பங்கள் மாறிவிட்டன. ஓவியங்களை வரைய தனித்தனியாகப் பொருள்கள் தேவைப்பட்ட காலம் மாறி இப்போது வரைவதற்கென திறன்பேசியில் பிரத்யேக கருவிகள் வந்துவிட்டன. ஒளிப்படங்களை எடிட் செய்ய, காணொளிகளைத் தொகுக்க ஏராளமான செயலிகள் இருப்பதைப் போல வரைவதற்காகப் பல செயலிகளும் அணிவகுக்கின்றன. என்றாலும் அவற்றுள் முதன்மையானது ‘ஸ்கெட்ச்புக்’.

‘ஆட்டோடெஸ்க்’ எனும் நிறுவனத்தின் தயாரிப்புதான் ‘ஸ்கெட்ச்புக்’ செயலி. இதை ஆன்ட்ராய்டின் ‘கூகுள் பிளே-ஸ்டோர்’ அல்லது ஆப்பிளின் ‘ஆப் ஸ்டோர்’ தளங்களிலிருந்து பதிவிறக்கம் செய்துகொள்ளலாம். ஸ்கெட்ச்புக் செயலியைப் பயன்படுத்த கட்டணம் எதுவும் செலுத்தத் தேவையில்லை.