நமது கண்டுபிடிப்பு நமக்கே எதிரி! - கீர்த்தி சுரேஷ் | மினி பேட்டி

ஆண்டனி உடனான திருமணத்துக்குப் பிறகு ஒரு ‘பான் இந்திய’ நட்சத்திர மாக நடிப்பை உற்சாகமாகத் தொடர்ந்துவருகிறார் கீர்த்தி சுரேஷ். கடந்த ஆண்டு அவரது நடிப்பில் ‘சைரன்’, ‘ரகு தாத்தா’ ஆகிய இரண்டு தமிழ்ப் படங்கள் வெளியாகின. தற்போது, ஜே.கே.சந்துரு இயக்கத்தில் உருவாகியிருக்கும் பெண் மையப் படமான ‘ரிவால்வர் ரீட்டா’ ரிலீஸ் ஆகிறது. இதற்காக சென்னை வந்திருந்த அவருடன் உரையாடியதிலிருந்து ஒரு பகுதி:.கணவர்தான் இப்போது உங்கள் முதல் விமர்சகரா?அவர் ஒரு சினிமா காதலர் மட்டும்தான். நான் நடித்த ‘சாணிக் காயிதம்’ அவருக்கு மிகவும் பிடித்த படம். என்னைவிட அதிகப்படங்கள் பார்ப்பவர். ‘இந்தப் படத்தைப் பார்’ என்று பரிந்துரை செய்வார். ஆனால், அவர் விமர்சகர் கிடையாது. என்னு டைய அக்காதான் என்னுடைய படங்களைப் பார்த்து அணுவணு வாக விமர்சிப்பார்..யுனிசெப்பின் குழந்தைகள் நலனுக்கான தூதராக நியமிக்கப்பட்டிருப்பதை எப்படி உணர்கிறீர்கள்?ஊட்டச்சத்துக் குறைவில்லா மல் முழு ஆரோக்கியத்துடன் வளர, கல்வி கற்க, விளையாட, எதிர்காலம் குறித்துக் கனவு காண உலகில் பிறந்த ஒவ்வொரு குழந் தைக்கும் உரிமை இருக்கிறது. வேறுபாடுகள் நிறைந்த இவ்வுல கில் குழந்தைகளின் இந்த உரி மைகளை நிலைநாட்டவே கடந்த 75 ஆண்டுகளாக யுனிசெப் உழைக்கிறது. அதற்காக இந்தியாவில் பல மூத்த பிரபலங்கள் குரல் கொடுக்கிறார்கள். அந்தக் கடமையில் நானும் ஒரு பகுதியாக ஆகியிருப்பதில் மகிழ்ச்சியடைகிறேன்..‘ரிவால்வர் ரீட்டா’ கதாபாத்திரம் பற்றி..ஒரு நடுத்தரக் குடும்பத்தின் துணிச்சலான பெண். இது புதுச்சேரியில் 24 மணிநேரத்தில் நடந்து முடியும் கதை. ஒரு ரெஸ்டாரண்ட் மேனேஜராக வருகிறேன். அங்கே ஒரு சீரியஸ் சம்பவம் நடந்துவிடுகிறது. அதை, நானும் என்னுடைய குடும்பத்தினரும் எவ்வளவு நகைச்சுவை யாகக் கையாள்கிறோம், அதிலிருந்து எப்படி வெளியே வருகி றோம் என்பது திரைக்கதை. சூழ்நிலைக்கு ஏற்ப அங்கங்கே ஆக்ஷன் இருக்கும். ‘டார்க் காமெடி’ வகைப் படம். .படத்தில் சக நடிகர்கள் யார்?எனக்கு ‘லவ் டிராக்’ கிடையாது. அதற்கெல்லாம் கதையின் வேக மான ஓட்டத்தில் நேரமில்லை. எதிர்மறைக் கதாபாத்திரத்தில் சுனில் சார் வருகிறார். ராதிகா மேடம் எனக்கு அம்மாவாக நடித்திருக் கிறார். அவருடைய கதாபாத்திரம் மிகவும் சுவாரசியமாக இருக்கும். சூப்பர் சுப்பராயன் மாஸ்டர் சடலமாக மிகவும் கஷ்டப்பட்டு நடித்திருக்கிறார். ரெடின் கிங்ஸ்லி, அஜய் கோஷ், ஜான் விஜய், கல்யாண் மாஸ்டர், சுரேஷ் சக்கரவர்த்தி என்று இப்படத்தின் நடிகர்கள் ‘காம்போ’ ரொம்பவே வித்தியாசமாக இருக்கும்..கதாநாயகியை ‘ஸ்டீரியோ டைப்’ செய்வதிலிருந்து ‘ரிவால்வர் ரீட்டா’ வேறுபடுமா?நிச்சயமாக. இந்தப் படம் என்றில்லை; என்னுடைய பெரும்பாலான படங்களில் நான் ‘ஸ்டீரியோ டைப்’பை உடைக்கும் கதாபாத்திரங்களில்தான் நடித்து வந்திருக்கிறேன், வருகிறேன். எனக்குத் தேசிய விருது பெற்றுக் கொடுத்த ‘மகா நடி’யில் 45 வயது கதாபாத்திரத்தில் நடிக்கும்போது எனக்கு 24 வயதுதான். .‘ஏஐ’யின் வளர்ச்சியின் வேகத்தை எப்படிப் பார்க்கிறீர்கள்?சமீபத்தில் ஒரு படத்தின் தொடக்கவிழாவுக்குச் சென்றிருந்தேன். அங்கே நான் போட்டோவுக்கு போஸ் எதுவும் கொடுக்கவில்லை. ஆனால், அருவருக்கத்தக்க வகையில் ‘அந்த நிகழ்ச்சியில் நான்’ என்று தலைப்பிட்டு எனது ஏஐ படங்களை வெளியிட்டிருந்தார்கள். எனது தொழில்நுட்பக் குழு மூலம் அதை நீக்க நடவடிக்கை எடுத்தேன். இப்படி எவ்வளவைத்தான் நாம் நீக்கிக்கொண்டிருப்பது? நாம் கண்டுபிடித்த தொழில்நுட்பம்தான். ஆனால், இன்று அது நமக்கு எதிராகவும் திரும்பிவிட்டது அதிர்ச்சியளிக்கிறது. அதை எப்படிப் பயன்படுத்த வேண்டும், எதற்குப் பயன்படுத்த வேண்டும் என்பதும் நம் கையில்தான் இருக்கிறது.

நமது கண்டுபிடிப்பு நமக்கே எதிரி! - கீர்த்தி சுரேஷ் | மினி பேட்டி

அதிகம் வாசித்தவை...