ஒரே பந்தலில் இரு பயிர் சாகுபடி: செலவுக்கு பீர்க்கங்காய் வரவுக்கு புடலங்காய்

ஒரே பந்தலில் இரு பயிர் சாகுபடி: செலவுக்கு பீர்க்கங்காய் வரவுக்கு புடலங்காய்
Updated on: 
2 min read

விளைச்​சல் இருக்​கும்​போது விலை​யில்லை; விலை இருக்​கும்​போது விளைச்​சல் இல்லை எனப் புலம்​பு வோர் மத்​தி​யில் ஒரே பந்​தலில் புடலங்​காய், பீர்க்​கங்​காய் என இரு பயிர் சாகுபடி செய்து, அதிக மகசூல் பெறு​வதுடன் கூடுதல் வரு​வாயும் பெற்று சாதித்து வரு​கிறார் இமானுவேல் (48).

அரசுப் பள்ளி ஆசி​ரியரான இவர், ஸ்ரீவில்​லிபுத்​தூரில் தனது தந்​தைக்கு உதவியாக விவசாயத்​தில் ஈடு​பட்​டுள்​ளார். புடலங்​காய், பீர்க்​கங்​காய், பாகற்​காய், சுரைக்​காய், வெள்​ளரிக்​காய் உள்​ளிட்ட கொடி வகைக் காய்​கறிகளைத் தரையில் வளர்ப்​பதை விடப் பந்​தல் அமைத்​துச் சாகுபடி செய்​தால் இரட்​டிப்பு மகசூல் கிடைக்​கிறது.

பந்​தல் சாகுபடி முறை​யில் கொடி​யின் அனைத்​துப் பாகங்​களுக்​கும் சூரிய ஒளி கிடைத்து, ஒளிச்​சேர்க்கை நன்​றாக நடப்​ப​தால் காய்​கள் முழுத் தரத்​துடன் விளைவதுடன், காய்க்​கும் காலமும் அதி​கரிக்​கிறது.

பந்​தல் சாகுபடி முறை​யில் இரு பயிர் சாகுபடி செய்து, அதிக மகசூல் எடுத்து வரும் இமானுவேல், இது​குறித்து கூறிய​தாவது: ஸ்ரீவில்​லிபுத்​தூர் அருகே பிள்​ளை​யார்​நத்​தம் மேற்​குத் தொடர்ச்சி மலை அடிவாரப் பகுதி​யில் பூர்​வீக விவசாய நிலத்​தில் தந்தை வீரப்​பன் (85) கரும்பு, கொய்யா மற்​றும் காய்​கறி சாகுபடி செய்து வந்​தார்.

அரசுப் பள்ளி ஆசி​ரியராகப் பணி​யாற்றி வரும் நான், விடு​முறை நாட்​களில் தந்​தைக்கு உதவியாக விவசாயம் செய்து வரு​கிறேன். கரோனா ஊரடங்கு காலத்​தில் முழுநேர​மாக விவசாயம் செய்​த​போது தோட்​டக்​கலைத் துறை மானியத்​தில் 2020இல் ஒரு ஏக்​கரில் பந்​தல் அமைத்​துப் புடலங்​காய் சாகுபடி செய்​தோம்.

Loading content, please wait...

X