ஹைதராபாத்: சையது முஸ்டாக் அலி டி 20 கிரிக்கெட் தொடரில் நேற்று ஹைதராபாத்தில் நடைபெற்ற ஆட்டத்தில் குஜராத் - சர்வீசஸ் அணிகள் மோதின.
முதலில் பேட் செய்த சர்வீசஸ் அணி 9 விக்கெட்கள் இழப்புக்கு 182 ரன்கள் குவித்தது. 183 ரன்கள் இலக்குடன் பேட் செய்த குஜராத் அணி 12.3 ஓவர்களில் 2 விக்கெட்களை மட்டும் இழந்து வெற்றி பெற்றது.
தொடக்க வீரரான உர்வில் படேல் 37 பந்துகளில், 10 சிக்ஸர்கள், 12 பவுண்டரிகளுடன் 119 ரன்கள் விளாசி ஆட்டமிழக்காமல் இருந்தார். மற்றொரு தொடக்க வீரரான ஆர்யா தேசாய் 35 பந்துகளில், 60 ரன்கள் விளாசினார்.
