நியூயார்க்: அமெரிக்காவின் நியூயார்க் நகரில் பிஎஸ்ஏ பிளாட்டினம் ஸ்குவாஷ் தொடர் நடைபெற்று வருகிறது. இதில் மகளிர் பிரிவில் இந்தியாவின் அனஹத் சிங் 2-வது சுற்றுக்கு முன்னேறினார்.
உலகத் தரவரிசையில் 31-வது இடத்தில் உள்ள அனஹத் சிங் முதல் சுற்றில் 11-3, 11-6, 9-11, 13-11 என்ற செட் கணக்கில் இங்கிலாந்தின் லூசி டர்மலை வீழ்த்தினார். 2-வது சுற்றில் அனஹத் சிங், போட்டித் தரவரிசையில் 6-வது இடத்தில் உள்ள ஜப்பானின் சடோமி வதனாபேவுடன் மோதுகிறார்.