நாட்டிங்காம்: இங்கிலாந்து - நியூஸிலாந்து அணிகள் இடையிலான கடைசி மற்றும் 3-வது டெஸ்ட் கிரிக்கெட் போட்டி நாட்டிங்காமில் நடைபெற்று வந்தது.
இதன் முதல் இன்னிங்ஸில் நியூஸிலாந்து 438 ரன்களும், இங்கிலாந்து 354 ரன்களும் எடுத்தன. 84 ரன்கள் முன்னிலையுடன் 2-வது இன்னிங்ஸை விளையாடிய நியூஸிலாந்து அணி 9 விக்கெட்கள் இழப்புக்கு 288 ரன்கள் எடுத்த நிலையில் டிக்ளேர் செய்தது. டேரில் மிட்செல் 100 ரன்களும், ரச்சின் ரவீந்திரா 94 ரன்களும் விளாசினர்.
இதையடுத்து 373 ரன்கள் இலக்குடன் பேட் செய்த இங்கிலாந்து அணி நேற்றைய கடைசி நாள் ஆட்டத்தில் 51.2 ஓவர்களில் 212 ரன்களுக்கு ஆட்டமிழந்தது. அதிகபட்சமாக ஜேமி ஸ்மித் 60 ரன்கள் சேர்த்தார். நியூஸிலாந்து அணி தரப்பில் ஜாக் போக்ஸ் 3 விக்கெட்களை வீழ்த்தினார். வில் ரூக், மிட்செல் சாண்ட்னர் ஆகியோர் தலா 2 விக்கெட்களை கைப்பற்றினர். 160 ரன்கள் வித்தியாசத்தில் வெற்றி பெற்ற நியூஸிலாந்து அணி 3 ஆட்டங்கள் கொண்ட டெஸ்ட் தொடரை 2-1 என கைப்பற்றி கோப்பையை வென்றது.
முதல் போட்டியில் இங்கிலாந்து அணி 115 ரன்கள் வித்தியாசத்தில் வெற்றி பெற்றிருந்தது. 2-வது டெஸ்டில் நியூஸிலாந்து அணி 253 ரன்கள் வித்தியாசத்தில் வெற்றி கண்டிருந்தது. ஆட்ட நாயகனாக டேரில் மிட்செல் தேர்வானார். தொடர் நாயகனாக இங்கிலாந்தின் ஜோப்ரா ஆர்ச்சரும் (25 ரன்கள், 11 விக்கெட்கள்), நியூஸிலாந்தின் நேதன் ஸ்மித்தும் (68 ரன்கள், 16 விக்கெட்கள்) தேர்வு செய்யப்பட்டனர். இந்த போட்டியுடன் இங்கிலாந்து அணியின் கேப்டன் பென் ஸ்டோக்ஸ் சர்வதேச கிரிக்கெட்டில் இருந்து ஓய்வு பெற்றார்.
