மொஹாலி: ஆடவர் ஆசிய சாம்பியன்ஸ் டிராபி ஹாக்கிப் போட்டியின் இறுதிச் சுற்றுக்கு 7-வது முறையாக இந்திய அணி முன்னேறியுள்ளது.
பஞ்சாப் மாநிலம் மொஹாலியில் நேற்று நடைபெற்ற அரை இறுதிப் போட்டியில் இந்திய ஆடவர் அணி சிறப்பாக விளையாடி 8-1 என்ற கோல் கணக்கில் தென்கொரியா அணியை வீழ்த்தியது.
அரை இறுதியில் இந்திய வீரர்கள் ஷைலானந்த் லக்ரா (4, 13-வது நிமிடம்), தில்பிரீத் சிங் (21, 25-வது நிமிடம்) ஆகியோர் 2 கோல்களும், கேப்டன் ஹர்மன்பிரீத் சிங் (9-வது நிமிடம்), சுக்ஜீத் சிங் (21-வது நிமிடம்), அங்கத் பீர் சிங் (36-வது நிமிடம்), விவேக் சாகர் பிரசாத் (54-வது நிமிடம்) ஆகியோர் தலா ஒரு கோலும் அடித்தனர். தென் கொரிய அணிக்காக 9-வது நிமிடத்தில் சாங்ஜுன் ஹான் ஒரு கோலடித்தார்.
