ஹாங்காங் ஓபன் பாட்மிண்டன்: ஒலிம்பிக் சாம்பியனை வீழ்த்தினார் இந்தியாவின் ரக்‌ஷிதா ராம்ராஜ்

ஹாங்காங் ஓபன் பாட்மிண்டன்: ஒலிம்பிக் சாம்பியனை வீழ்த்தினார் இந்தியாவின் ரக்‌ஷிதா ராம்ராஜ்
Updated on: 
1 min read

கவ்லூன்: ஹாங் காங் ஓபன் பாட்​மிண்​டன் தொடர் அந்​நாட்​டில் உள்ள கவ்​லூன் நகரில் நடை​பெற்று வரு​கிறது. இதில் மகளிர் ஒற்​றையர் பிரிவு 2-வது சுற்​றில் இந்​தி​யாவின் ரக்‌ஷிதா ராம்​ராஜ், டோக்​கியோ ஒலிம்​பிக் சாம்​பியனும், உல​கத் தரவரிசையில் 4-வது இடத்​தில் உள்ள வீராங்​க​னையுமான சீனாவின் சென் யு ஃபெய்-ஐ எதிர்த்து விளை​யாடினார்.

இதில் ரக்‌ஷிதா ராம்​ராஜ் 21-18, 24-22 என்ற நேர் செட் கணக்​கில் வெற்றி பெற்று கால் இறுதி சுற்​றுக்கு முன்​னேறினார். 19 வய​தான ரக்‌ஷிதா ராம்​ராஜ் தமிழகத்​தின் கோவை மாவட்​டத்​தைச் சேர்ந்​தவர் ஆவார்.

ரக்‌ஷிதா கூறும்​போது, “எனது பேட்​மிண்​டன் வாழ்க்​கை​யில் கிடைத்த மிகப்​பெரிய வெற்​றிகளில் இது​வும் ஒன்று. சென் யு ஃபெய் எனது ரோல்​மாடல். அவருக்கு எதிராக நான் வெற்றி பெற்​றதை இன்​னும் என்​னால் நம்ப முடிய​வில்லை. எனது பாட்​மிண்​டன் வாழ்க்​கை​யில் மறக்க முடி​யாத நாளாக இது இருக்​கும்.

அவருக்கு எதிராக மிகச்​சிறப்​பான ஆட்​டத்தை வெளிப்​படுத்​தி​யதில் மகிழ்ச்சி அடைகிறேன். நான் மேற்​கொண்ட அனைத்து உத்​தி​களும் நல்ல பலனை அளித்​தன. எந்​தக் கட்​டத்​திலும் நான் நம்​பிக்​கையை இழக்​க​வில்லை. எனது தாக்​குதல் ஆட்​டம் சிறப்​பாக இருந்​தது சாதக​மாக அமைந்​தது” என்​றார்.

கால் இறுதி சுற்​றில் ரக்‌ஷிதா, தாய்​லாந்​தின் போர்ன்​பாவீ சோச்​சுவோங்​குடன் மோதுகிறார். ஆட​வர் ஒற்​றையர் பிரிவு 2-வது சுற்​றில் இந்​தி​யாவின் லக்ஷயா சென் 21-11, 21-18 என்ற நேர் செட் கணக்​கில் டென் மார்க்​கின் ராஸ்​மஸ் கெம்​கேவை வீழ்த்தி கால் இறுதி சுற்​றில் கால்​ ப​தித்​தார்.

ஆட​வர் இரட்​டையர் பிரிவு 2-வது சுற்​றில் இந்​தி​யாவின் சாட்​விக் சாய்​ராஜ் ராங்கி ரெட்டி, ஷிராக் ஷெட்டி ஜோடி 21-19, 21-16 என்ற செட் கணக்​கில் மலேசி​யாவின் நூர் முகமது அஸ்​ரின் அயூப், டான் வீ கியாங் ஜோடியை வீழ்த்தி கால் இறுதி சுற்​றுக்கு முன்​னேறியது. மகளிர் இரட்​டையர் பிரி​வில் இந்​தி​யாவின் ட்ரீசா ஜாலி, காயத்ரி கோபிசந்த் ஜோடி 20-22, 13-21 என்ற செட் கணக்​கில் அமெரிக்​கா​வின் லாரன் லாம், அலிசன் லீ ஜோடி​யிடம் தோல்வி அடைந்​தது.

ஹாங்காங் ஓபன் பாட்மிண்டன்: ஒலிம்பிக் சாம்பியனை வீழ்த்தினார் இந்தியாவின் ரக்‌ஷிதா ராம்ராஜ்
70 ரன்களுக்கு 5 விக்கெட்களை இழந்த போதிலும் நியூஸி. அணியை மீட்டது நிக்கோல்ஸ், பிலிப்ஸ் ஜோடி

X