புதுடெல்லி: ஐபிஎல் தொடரில் டெல்லி கேபிடல்ஸ் அணியின் பீல்டிங் பயிற்சியாளராக அயர்லாந்து அணியின் முன்னாள் ஆல்ரவுண்டரான ஜான் மூனி நியமிக்கப்பட்டுள்ளார். ஐபிஎல் தொடரில் அயர்லாந்தை சேர்ந்தவர் பயிற்சியாளராக நியமிக்கப்பட்டுள்ளது இதுவே முதன்முறை.
44 வயதான ஜான் மூனி கடந்த 2018-2019 காலக்கட்டத்தில் ஆப்கானிஸ்தான் அணியின் பீல்டிங் பயிற்சியாளராக பணியாற்றி இருந்தார். மேற்கு இந்தியத் தீவுகள் மற்றும் அயர்லாந்து மகளிர் அணியிலும் ஜானி மூனி பணியாற்றி உள்ளார். அயர்லாந்து அணிக்காக ஜான் மூனி 2006 முதல் 2015-ம் ஆண்டு வரையிலான காலக்கட்டத்தில் 64 ஒருநாள் போட்டி, 27 டி20 போட்டிகளில் பங்கேற்றிருந்தார்.
