Published : 24 Mar 2021 18:10 pm

Updated : 24 Mar 2021 18:10 pm

 

Published : 24 Mar 2021 06:10 PM
Last Updated : 24 Mar 2021 06:10 PM

ஐசிசி டி20 தரவரிசை: கோலி, ரோஹித் திடீர் முன்னேற்றேம்

kohli-rohit-move-up-in-icc-t20-rankings
ரோஹித் சர்மா, விராட் கோலி : கோப்புப்படம்

துபாய்

சர்வதேச கிரிக்கெட் கவுன்சில் (ஐசிசி) இன்று வெளியிட்ட டி20 தரவரிசையில் இந்திய அணியின் கேப்டன் கோலி, துணை கேப்டன் ரோஹித் சர்மா இருவரும் முன்னேற்றம் அடைந்துள்ளனர்.

இங்கிலாந்துக்கு எதிரான 5-வது டி20 போட்டியில் கோலி, ரோஹித் சர்மாவுடன் தொடக்க வீரராகக் களமிறங்கி 52 பந்துகளில் 80 ரன்கள் சேர்த்தார். இதையடுத்து, டி20 பேட்ஸ்மேன்களுக்கான தரவரிசையில் கோலி 762 புள்ளிகளுடன் 4-வது இடத்துக்கு முன்னேறியுள்ளார்.


இங்கிலாந்துக்கு எதிரான கடைசி டி20 போட்டியில், 34 பந்துகளில் 64 ரன்கள் சேர்த்ததன் மூலம் ரோஹித் சர்மா 613 புள்ளிகளுடன் 14-வது இடத்துக்கு முன்னேறியுள்ளார்.

இந்திய அணி வீரர் ஸ்ரேயாஸ் அய்யர் 5 இடங்கள் நகர்ந்து வாழ்வில் சிறப்பான வகையில் 26-வது இடத்துக்கு முன்னேறியுள்ளார். சூர்யகுமார் யாதவ் 66-வது இடத்தில் உள்ளார். ரிஷப் பந்த் 11 இடங்கள் நகர்ந்து 69-வது இடத்துக்கு நகர்ந்துள்ளார்.

இந்திய அணியின் வேகப்பந்துவீச்சாளர் புவனேஷ்வர் குமார் 5-வது டி20 போட்டியில் ஆட்டநாயகன் விருது வென்றார். இதையடுத்து, 21 இடங்கள் நகர்ந்து 24-வது இடத்துக்கு முன்னேறியுள்ளார். ஹர்திக் பாண்டியா 47 இடங்கள் நகர்ந்து 78-வது இடத்துக்கு நகர்ந்துள்ளார்.

இங்கிலாந்து அணியில் டேவிட் மலான் 892 புள்ளிகளுடன் தொடர்ந்து முதலிடத்தில் உள்ளார். ஜாஸ் பட்லர் ஒரு இடம் நகர்ந்து 18-வது இடத்தைப் பெற்றுள்ளார். பந்துவீச்சாளர்களில் லெக் ஸ்பின்னர் அதில் ரஷித் ஒரு இடம் நகர்ந்து 4-வது இடத்தைப் பெற்றுள்ளார்.

ஜோப்ரா ஆர்ச்சர் 12 இடங்கள் நகர்ந்து 22-வது இடத்தையும், மார்க் உட் 12 இடங்கள் நகர்ந்து 27-வது இடத்தையும் பெற்றுள்ளனர்.

ஒருநாள் தரவரிசையில் இங்கிலாந்து தொடக்க ஆட்டக்காரர் ஜானி பேர்ஸ்டோ தனது கிரிக்கெட் வாழ்க்கையில் சிறப்பாக 7-வது இடத்துக்கு முன்னேறியுள்ளார். கேப்டன் மோர்கன் ஒரு இடம் நகர்ந்து 24-வது இடத்துக்கும், பென் ஸ்டோக்ஸ் 64-வது இடத்துக்கும் நகர்ந்துள்ளனர்.

இந்திய வீரர் ஷிகர் தவண் 98 ரன்கள் விளாசியதையடுத்து, இரு இடங்கள் நகர்ந்து 15-வது இடத்துக்கு முன்னேறியுள்ளார். வேகப்பந்துவீச்சாளர் புவனேஷ்வர் குமார் 5 இடங்கள் நகர்ந்து, டாப் 20 வரிசைக்குள் நுழைந்துள்ளார்.

தவறவிடாதீர்!


ICC T20 rankingsKohliRohitIndia captain Virat KohliDeputy Rohit Sharmaஐசிசி டி20 தரவரிசைரோஹித் சர்மாவிராட் கோலிஇங்கிலாந்து அணிடி20 தொடர்

Sign up to receive our newsletter in your inbox every day!

More From This Category

More From this Author

x