Published : 07 Sep 2020 09:26 am

Updated : 07 Sep 2020 09:27 am

 

Published : 07 Sep 2020 09:26 AM
Last Updated : 07 Sep 2020 09:27 AM

ஜோஸ் பட்லர் அதிரடி: ஆஸ்திரேலியாவை வீழ்த்தி டி20 தொடரைக் கைப்பற்றியது இங்கிலாந்து 

ஜோஸ் பட்லர் 54 பந்துகளில் 77 ரன்கள்.

ஜோப்ரா ஆர்ச்சர், மார்க் உட் ஆகியோரின் பொறிபறக்கும் தொடக்கப் பந்து வீச்சு பிறகு ஜோஸ் பட்லர் 54 பந்துகளில் 77 ரன்கள் விளாசியது ஆகியவற்றால் 6 விக்கெட்டுகள் வித்தியாசத்தில் ஆஸ்திரேலியாவை இங்கிலாந்து அணி வீழ்த்தி டி20 தொடரை 2-0 என்று கைப்பற்றியது.

சவுத்தாம்ப்டனில் நடைபெற்ற 2வது போட்டியில் முதலில் பேட் செய்த ஆஸ்திரேலியா 7 விக்கெட்டுகள் இழப்புக்கு 157 ரன்கள் எடுக்க, இலக்கை விரட்டிய இங்கிலாந்து 158/4 என்று வெற்றி பெற்றது.


டேவிட் வார்னர் 3 பந்துகளில் டக் அவுட் ஆனார். ஆர்ச்சரின் அபாரமான பந்து வார்னரின் கிளவ்வில் பட்டு பட்லரிடம் கேட்ச் ஆனது. விக்கெட் கீப்பர் அலெக்ஸ் கேரியை 2 ரன்களில் மார்க் உட் வெளியேற்றினார், இந்த கேட்சையும் பட்லர்தான் பிடித்தார் 3/2 என்று ஆஸ்திரேலியா தடுமாறியது. ஸ்டீவ் ஸ்மித் இறங்கி அதிரடியாக ஒரு பவுண்டரி ஒரு சிக்ஸ் விளாசி 10 ரன்களில் இயன் மோர்கனின் அபார பீல்டிங் மற்றும் நேர் த்ரோவுக்கு ரன் அவுட் ஆக ஆஸ்திரேலியா 30/3 என்று ஆனது.

ஏரோன் பிஞ்ச் (40), மார்கஸ் ஸ்டாய்னிஸ் (35) இணைந்து 4வது விக்கெட்டுக்காக 49 ரன்களைச் சேர்த்தனர். கிளென் மேக்ஸ்வெல் 18பந்துகளில் 26 ரன்கள் எடுத்தார். ஆகர் 23, கமின்ஸ் 13 ஆகியோர் விளாசலில் ஈடுபட கடைசி 3 ஓவர்களில் 40 ரன்கள் வந்ததில் 157/7 என்று ஆஸ்திரேலியா முடிந்தது. ஆர்ச்சர், உட் தலா 1 விக்கெட்டை கைப்பற்ற, ஜோர்டான் 2 விக்கெட்டுகளையும் ஆதில் ரஷீத் சிக்கனமாக வீசி 1 விக்கெட்டையும் கைப்பற்றினர்.

ஆனால் அதிரடி இங்கிலாந்துக்கு 158 ரன்கள் இலக்கு என்பது ஒன்றுமில்லாமல் போனது. பேர்ஸ்டோ 9 ரன்களில் ஸ்டார்க் ஷார்ட் பிட்ச் பந்தை புல் ஆடும் முயற்சியில் மட்டையால் லெக் ஸ்டம்பை இடிக்க ஹிட் விக்கெட் ஆகி வெளியேறினார். டாம் பேண்ட்டன் ரன்களிலும், மோர்கன் 7 ரன்களிலும் வெளியேறினர்.

ஆனால் ஜோஸ் பட்லர் 54 பந்துகளில் 8 பவுண்டரிகள் 2 சிக்சர்கள் உட்பட 77 ரன்களையும் டேவிட் மலான் மீண்டுமொரு அற்புதமான இன்னிங்ஸில் 32 பந்துகளில் 7 பவுண்டரிகளுடன் 42 ரன்களையும் எடுத்து 2வது விக்கெட்டுக்கு இருவரும் 87 ரன்கள் விளாசினர்

மொயின் அலி 1 பவுண்டரி 1 சிக்சருடன் 13 ரன்களுடன் ஆட்டமிழக்காமல் ஆட்டத்தை வெற்றிக்கு இட்டுச் சென்றனர், ஆடம் ஸாம்ப்பவை சிக்ஸ் அடித்து மொயின் அலி முடித்து வைத்தார். ஆஸ்திரேலியா தரப்பில் ஆகர் 2 விக்கெட்டுகளையும் ஸ்டார்க் மற்றும் ஸாம்பா 1 விக்கெட்டையும் கைப்பற்றினர். ஆட்ட நாயகனாக பட்லர் தேர்வு செய்யப்பட இங்கிலாந்து டி20 தொடரை 2-0 என்று கைப்பற்றியது.

நாளை செவ்வாய் கிழமை ஒயிட் வாஷைத் தவிரக்க ஆஸ்திரேலியா கடுமையாகப் போராட வேண்டும்.


தவறவிடாதீர்!

தொடரை வென்றது இங்கிலாந்துடி20 கிரிக்கெட் 2020ஆஸ்திரேலியா தோல்விஜோஸ் பட்லர்டேவிட் மலான்பிஞ்ச்ஸ்மித்வார்னர்

Sign up to receive our newsletter in your inbox every day!

You May Like

More From This Category

More From this Author