செஞ்சூரியன் மைதானத்தில் இன்று தொடங்கி நடைபெற்றுக் கொண்டிருக்கும் பாகிஸ்தான், தென் ஆப்பிரிக்க அணிகளுக்கு இடையிலான முதல் டெஸ்ட் போட்டியின் முதல் நாள் ஆட்டத்தில் டேல் ஸ்டெய்ன் புதிய தென் ஆப்பிரிக்க பவுலிங் சாதனையை நிகழ்த்தினார்.
88 டெஸ்ட் போட்டிகளில் 421 விக்கெட்டுகள் என்ற நிலையில் களமிறங்கிய டேல் ஸ்டெய்ன், இந்த முதல் டெஸ்ட் போட்டியின் 7வது ஓவரில் பாகிஸ்தான் தொடக்க வீரர் ஃபகர் ஜமான் (12) விக்கெட்டை வீழ்த்தி 422 விக்கெட்டுகளைக் கைப்பற்றி ஷான் போலாக் சாதனைய முறியடித்து அதிக டெஸ்ட் விக்கெட்டுகளை வீழ்த்திய தென் ஆப்பிரிக்க பவுலரகா நம்பர் 1 இடத்துக்குச் சென்றார்.
இடது கை வீரரான பகர் ஜமானுக்கு ஒரு பந்தை அவரது உடலுக்குக் குறுக்காக செலுத்தினார் டேல் ஸ்டெய்ன் பந்து எட்ஜ் ஆனது. டீன் எல்கர் கேட்ச் எடுக்க சாதனை பவுலருக்கு சாதனை விக்கெட்டாக வீழ்ந்தார் ஃபகர் ஜமான்.
ஷான் போலக் 108 டெஸ்ட் போட்டிகளில் 421 விக்கெட்டுகளைக் கைப்பற்ற டேல் ஸ்டெய்ன் 88 டெஸ்ட் போட்டிகளில் இதனைச் சமன் செய்து தற்போது 89வது டெஸ்ட் போட்டியில் போலாக்கை முறியடித்து தென் ஆப்பிரிக்காவின் சிறந்த பவுலர் ஆனார்.
போலாக் சாதனையை முறியடிக்க 5 விக்கெட்டுகளே இருந்த போது ஆஸ்திரேலியா தொடரில் 2016-ல் தோள்பட்டையில் காயமடைந்தார். அது உடைந்த தோள்பட்டையே, பலரும் ஸ்டெய்ன் கிரிக்கெட் வாழ்க்கை அவ்வளவுதான் என்று முடிவு கட்டிவிட்டனர், ஆனால் கடின உழைப்பால் மீண்டும் வந்து சாதனை நிகழ்த்தியுள்ளார்.
இந்த 422 விக்கெட்டுகளை டேல் ஸ்டெய்ன் 6வது சிறந்த ஸ்ட்ரைக் ரேட்டான 42.0-வில் எடுத்துள்ளார்.
டாஸ் வென்ற பாகிஸ்தான் முதலில் பேட் செய்ய முடிவெடுத்து தற்போது 3 விக்கெட்டுகள் இழப்புக்கு 54 ரன்கள் என்று தட்டுத்தடுமாறி வருகிறது. அசார் அல் 22 ரன்களுடன் களத்தில் இருக்கிறார்.