‘அண்ணாமலையாருக்கு அரோகரா’ கோஷத்துடன் திருவண்ணாமலையில் மகா தேரோட்டம் கோலாகலம்

காலையில் தொடங்கி இரவு முழுவதும் பஞ்சமூர்த்திகள் வீதியுலா
‘அண்ணாமலையாருக்கு அரோகரா’ கோஷத்துடன் திருவண்ணாமலையில் மகா தேரோட்டம் கோலாகலம்
Updated on: 
1 min read

திருவண்ணாமலை: ‘அண்​ணா​மலை​யாருக்கு அரோகரா’ கோஷத்​துடன் திரு​வண்​ணா​மலை​யில் நடந்த மகா தேரோட்​டத்​தில் ஆயிரக்​கணக்​கான பக்​தர்​கள் பங்​கேற்று வடம் பிடித்து இழுத்​தனர்.

திரு​வண்​ணா​மலை அண்​ணா​மலை​யார் கோயி​லில் ஆண்​டுதோறும் நடை​பெறும் விழாக்​களில் மிகவும் பிரசித்தி பெற்​றது கார்த்​திகை தீபத் திரு​விழா. இந்த ஆண்டு கார்த்​திகை தீபத் திரு​விழா கடந்த 15-ம் தேதி கொடியேற்​றத்​துடன் தொடங்கி விமரிசையாக நடை​பெற்று வரு​கிறது.

விழா​வின் 7-ம் நாளான நேற்று மகா தேரோட்​டம் நடை​பெற்​றது. இதை​யொட்டி அதி​காலை கோயில் நடை திறக்​கப்​பட்டு சுவாமிக்கு சிறப்பு அபிஷேக ஆராதனைகள் நடை​பெற்​றன.

பின்​னர், ராஜகோபுரம் எதிரே அலங்​கரிக்​கப்​பட்ட ரதங்​களில் சிறப்பு அலங்​காரத்​தில் பஞ்ச மூர்த்​தி​களான விநாயகர், வள்ளி,தெய்​வானை சமேத முருகர், பராசக்தி அம்​மன், சண்​டிகேஸ்வரர் ஆகியோர் அவர்​களுக்​குரிய ரதங்​களில் எழுந்​தருளினர். உண்​ணா​முலை​யம்​மன் சமேத அண்​ணா​மலை​யார் மகா ரதத்​தில் எழுந்​தருளினார்.

அதைத் தொடர்ந்து பஞ்ச ரதங்​கள் வீதி​யுலா தொடக்​கியது. முதலா​வ​தாக விநாயகருக்கு தீபாராதனை செய்​யப்​பட்டு காலை 7.05 மணிக்கு தேர் புறப்​பட்​டது. இதில், ஏராளமான பக்​தர்​கள் கலந்து கொண்டு தேரை வடம் பிடித்து இழுத்​துச் சென்​றனர். விநாயகர் தேர் மாட​வீதி​யில் வலம்​வந்து நிலையை வந்​தடைந்த, பின்​னர் காலை 11 மணி அளவில் முருகர் தேர் புறப்​பட்​டது. இதில், வள்ளி, தெய்​வானையுடன் முருகப் பெரு​மான் எழுந்​தருளி பக்​தர்​களுக்கு அருள்​பாலித்​தார். முருகர் தேர் பகல் 2 மணி அளவில் நிலையை வந்​தடைந்​தது.

அதைத் தொடர்ந்து, சுவாமி தேர் என அழைக்​கப்​படும் மகா தேரோட்​டம் மாலை 3.15 மணிக்கு தொடங்​கியது. மாவட்ட ஆட்சி​யர் வந்​தனா கார்க், மாவட்ட காவல் கண்​காணிப்​பாளர் உதயகுமார், போளூர் எம்எல்ஏ அபிஷேக், கோயில் இணை ஆணை​யர் பரணிதரன் மற்​றும் நகர முக்​கிய பிர​முகர்​கள் உட்​பட பலர் வடம் பிடித்து தேரோட்​டத்தை தொடங்கி வைத்​தனர். மாட​வீதி​யில் திரண்​டிருந்த ஆயிரக்​கணக்​கான பக்​தர்​கள் ‘அண்​ணா​மலை​யாருக்கு அரோகரா’ என்ற பக்தி முழக்​கமிட்​டபடி வடம் பிடித்து தேர் இழுத்​தனர்.

மாட​வீதி​களில் வலம் வந்த தேர், இரவு 10.30 மணி அளவில் நிலைக்கு வந்​தது. அதன்​பின்​னர், இரவு 11 மணி அளவில் அலங்​கார ரூபத்​தில் எழுந்​தருளிய பராசக்தி அம்​மனின் தேரோட்​டம் நடை​பெற்​றது. அம்​மன் தேரை பெண்​கள் மட்​டுமே வடம் பிடித்து இழுத்​துச் சென்​றனர். நிறைவாக சண்​டிகேஸ்வரர் தேரோட்​டம் நடை​பெற்​றது.

பஞ்ச மூர்த்​தி​கள் தேரோட்​டம் காலை​யில் தொடங்கி இரவு முழு​வதும் விடிய விடிய வீதி​யுலா நடை​பெற்​றது. கடும் குளிரை​யும் பொருட்​படுத்​தாமல் பல்​லாயிரக்​கணக்​கான பக்​தர்​கள் மாட​வீதி முழு​வதும் திரண்​டிருந்​தனர். வடக்கு மண்​டல ஐஜி பிரவீன் குமார் அபினபு தலை​மையில் 4,600 போலீ​ஸார் பாது​காப்​புப் பணி​யில் ஈடு​படுத்​தப்​பட்​டிருந்​தனர். அண்​ணா​மலை​யார் கோயி​லில் 24-ம் தேதி காலை பரணி தீபமும், மாலை​யில் மலை உச்​சி​யில் மகா தீபமும் ஏற்​றப்​படு​கிறது.

‘அண்ணாமலையாருக்கு அரோகரா’ கோஷத்துடன் திருவண்ணாமலையில் மகா தேரோட்டம் கோலாகலம்
திருப்பரங்குன்றம் விவகாரத்தில் என்ன முடிவெடுக்க போகிறது அரசு? - எதிர்பார்ப்பில் இந்து அமைப்புகள், மக்கள்; குழப்பத்தில் அதிகாரிகள்

X