மருத்துவ உணவு: இஞ்சி முரப்பா

என்னென்ன தேவை?

இளசான இஞ்சி – 200 கிராம்

சுத்தமான பாகு வெல்லம் – 300 கிராம்

கோதுமை மாவு – ஒரு டேபிள் ஸ்பூன்

ஏலப் பொடி – ஒரு டீஸ்பூன்

நெய் – 2 டேபிள் ஸ்பூன்

எப்படிச் செய்வது?

இஞ்சியைத் தோல் நீக்கி மிக்ஸியில் போட்டு மையாக அரைத்துக் கொள்ளுங்கள். தேவைப்பட்டால் சிறிது தண்ணீர் தெளித்துக் கொள்ளுங்கள். வெல்லத்துடன் சிறிது தண்ணீர் ஊற்றிக் காய்ச்சுங்கள். இளம் பாகு பதம் வந்ததும் இஞ்சி விழுது சேர்த்து, சிறிது நேரம் கிளறுங்கள். கோதுமை மாவில் சிறிது தண்ணீர் விட்டுக் கரைத்து ஊற்றிக் கிளறுங்கள். நெய், ஏலப் பொடி இரண்டையும் சேர்த்துக் கிளறி பாத்திரத்தில் ஒட்டாமல் வரும்போது நெய் தடவிய தட்டில் கொட்டி, துண்டுகள் போடுங்கள். வயிற்று உப்பசத்துக்கும் நெஞ்சு எரிச்சலுக்கும் இது நல்லது.