2026ஆம் ஆண்டின் மூன்றாவது பருவத்துக்கான (ஜூலை, ஆகஸ்ட், செப்டம்பர்) மணல்வீடு இதழ் வெளியாகியுள்ளது.
கட்டுரைகள் உட்பட பெருமளவிலும் புனைவுலகுக்கு முக்கியத்துவம் அளிக்கப்பட்டிருக்கிறது. பெண்களின் உளவியலை மையப்படுத்திய நான்கு சிறுகதைகள் இடம்பெற்றுள்ளன.
ஆசை, உழைப்பு, சாதி என சமூகமும் குடும்பமும் பெண்கள் மீது சுமத்தும் பாரங்களை சாரோன், முத்து ஜெயா, வினையன், மந்திரிகுமார் ஆகியோரின் கதைகள் அம்பலப்படுத்துகின்றன.
கிழக்கு ஐரோப்பியக் கவிஞர் யான் காப்லின்ஸ்கி பற்றிய கட்டுரையோடு, அவரது கவிதைகள் சிலவற்றின் மொழியாக்கத்தையும் தந்திருக்கிறார் பிரம்மராஜன்.
சமகாலச் சிறுகதைகள், கவிதைகள் குறித்த விரிவான விமர்சனத்தையும், புகழ்பெற்ற நாவல்கள் குறித்த புதிய பார்வையையும் முறையே ஞா.தியாகராஜன், பெரு.விஷ்ணு குமார், மிஹாத், கமலாலயன் ஆகியோர் எழுதியிருக்கின்றனர்.
இயக்குநர் ஆந்த்ரேய் தார்க்கோவ்ஸ்கி எழுதிய கட்டுரையின் AI மொழிபெயர்ப்பைச் செம்மைப் படுத்தியிருக்கிறார் ஜீ.முருகன். சூரஜ், நுட்ப வினைஞன், வன்மி, சைத்ரீகன், விவேகானந்த் செல்வராஜ் ஆகியோரின் கவிதைகள் இவ்விதழில் இடம்பெற்றுள்ளன.
மணல்வீடு
(காலாண்டிதழ்)
ஆசிரியர்: மு.ஹரிகிருஷ்ணன்
Kalari Heritage and Charitable Trust
விலை: ரூ.200
தொடர்புக்கு: 9894605371
