கோடுகளையும் நிழல்களையும் பயன்படுத்தி கலையுலகில் பெரும் அதிர்வுகளை உண்டாக்கிய ஓவியர் ஜோகன் சௌத்ரி அண்மையில் (25.10.2026) காலமானார். ‘உருவக் கலை’ பாணியில் அவர் வரைந்த உடல்கள் இயல்புக்கு மாறானதாக, பாதிப்புக்குள்ளானதாக இருந்தன. அவற்றின் முக பாவனைகள், அசௌகரியத்துக்கும் ஆழ்சிந்தனைக்கும் இடைப்பட்ட நிலையில் வெளிப்படுவதாகக் கருதப்படுகின்றன.
ஓவியப் பின்னணி குடும்பத்தில் பிறந்ததால் இயல்பாகவே அத்துறை மீது அவருக்கு ஆர்வம் ஏற்பட்டுள்ளது. வங்காளப் பிரிவினைக் காலத்தில் வளர்ந்ததன் தாக்கம், அவரது ஓவியங்களில் தொடர்ந்து பிரதிபலித்ததாக ஆர்வலர்கள் தெரிவித்திருக்கின்றனர். அவரது கோடுகளும், உருவங்களும், அவற்றின் தொட்டுணரும் தன்மையும் நம் நிலத்துக்கே உரிய அவல நிலையையும் புதிர்த்தன்மையையும் உருவாக்குகின்றன.
எமர்ஜென்சி காலகட்டத்தில் அவர் வரைந்த ‘Tiger in the Moonlight’ ஓவியம், கலைஞர்களுக்கு இருக்க வேண்டிய சமூகப் பொறுப்பைச் சுட்டிக்காட்டுகிறது. “கலையின் வழியே சமூக விழிப்புணர்வை ஏற்படுத்துவதே கலைஞர்களின் முக்கியக் கடமை” என்ற ஜோகன் சௌத்ரி, திரிணமூல் காங்கிரஸ் சார்பில் மாநிலங்களவை உறுப்பினராகவும் (2014 - 2020) இருந்திருக்கிறார்.
