‘தொல்லியல்’ என்றதுமே நம் நினைவுக்கு வருவது புழுதி படிந்த பழைய பொருட்களும், புரியாத கல்வெட்டுகளும்தான். ஆனால், இன்று நிலைமை தலைகீழாகிவிட்டது. பூமிக்கடியில் புதைந்து கிடக்கும் மர்மங்களை மீட்டெடுக்கும் இந்த அரிய கலை, இன்று நவீனத் தொழில்நுட்பத்தின் துணையோடு நம் வீட்டு வரவேற்பறைக்கே வந்துவிட்டது. கருப்பு-வெள்ளை புகைப்படங்களாகப் பார்த்த காலம் மறைந்து, இன்று 4K தரத்தில் ஆவணப்படங்களாகவும், சமூக ஊடகப் பதிவுகளாகவும் தொல்லியல் செய்திகள் நம்மை வியக்க வைக்கின்றன.
சர்வதேசத் தொல்லியல் ஊடகங்கள்: சர்வதேச அளவில் அகழ்வாய்வுச் செய்திகளை வழங்குவதில், தி ஆர்க்கியாலஜி சேனல் (The Archaeology Channel) மற்றும் டான் ஸ்னோ தலைமையிலான ஹிஸ்டரி ஹிட் (History Hit) ஆகியவை முதன்மையானவை. ஹெரிடேஜ் பிராட்கேஸ்டிங் சர்வீஸ் (Heritage Broadcasting Service) எனும் ஓடிடி தளமும், ஸ்ட்ரேடா (Strata) எனும் மாதாந்திர செய்தித் தொகுப்பும் முக்கியப் பங்காற்றுகின்றன.