‘உன்னை வழிநடத்த பெற்றோர் போன்ற ஒரு கை தேவை. வாழ்க்கையில் உன்னைச் செதுக்க வேண்டியிருக்கும். அது உனக்கு வலி தந்தாலும் உன்னைச் சிறந்தவனாக மாற்றும். தவறு செய்தால் அதை அழித்து, திருத்திக்கொள்ள முடியும்.
உன்னுடைய வெளித்தோற்றத்தைவிட உன் குணமே முக்கியம். நீ செல்லும் இடமெல்லாம் உன் தாக்கத்தை விட்டுச் செல்வாய்’ என்று பென்சிலைப் பற்றிய உலகப் புகழ்பெற்ற கதை ஒன்று உண்டு.
இப்படிப்பட்ட பென்சிலைக் கையில் பிடிக்காதவர்கள் யாரும் இருக்க மாட்டார்கள். ஒரு பென்சிலால் 36.3 கி.மீ. நீளத்துக்குக் கோடு இழுக்க முடியும், இந்தியாவில் தேசிய பென்சில் நாள் மார்ச் 30 போன்ற சுவாரசியமான தகவல்களுடன் பென்சிலின் வரலாறு, கிராபைட் என்பது என்ன, பென்சில் மரம், ஒரு பென்சில் எப்படித் தயாராகிறது, எச். பி என்றால் என்ன, பென்சில் அருங்காட்சியகம், மறுசுழற்சி பென்சில்கள் போன்ற பல தகவல்கள் இந்த நூலில் இடம்பெற்றுள்ளன.
பெரிய அளவில், பெரிய எழுத்துகளில், படங்களோடு வெளிவந்திருக்கும் இந்த நூல், இளம் வாசகர்களுக்குச் சுவையூட்டும்.
பென்சில்
முத்தையா வெள்ளையன்
கற்றளி பதிப்பகம்
விலை: ரூ.80
தொடர்புக்கு: 73973 34916
