இந்நாவலின் நாயகன் ஓகி, நைஜர் நாட்டைச் சேர்ந்த சுரங்கத் தொழிலாளி. ஒருநாள் சுரங்கத்தில் நிலச்சரிவு மரணங்களைக் கண்டமாத்திரத்தில் அவன், புதிய வாழ்வைத் தேடி வெளியேற முடிவெடுக்கிறான்.
குடும்பத்தினரும் ஊர்மக்களும் நண்பர்களும் அவனது முடிவை அரைமனதோடு ஆதரித்து வழியனுப்பி வைக்கிறார்கள். அந்தப் பயணம் என்னவானது என்பதை டென்மார்க்கில் வசிக்கும் தமிழ் எழுத்தாளர் றின்னோஸா வேகம் குறையாத நடையில் விறுவிறுப்பாகத் தந்துள்ளார்.
போகோ ஹராம் தீவிரவாதம் மிகுந்த ஆப்பிரிக்க நாடுகளிலிருந்து, போர் பாதிப்புகள்மிக்க மத்திய தரைகடல் நாடுகளிலிருந்து ஐரோப்பா செல்லும் மக்களின் பயணக் கொடூரங்களை, சர்வதேசத் திரைப்படங்களில் பார்த்திருக்கிறோம்; புத்தகங்கள் சிலவற்றிலும் படித்திருப்போம்.
