புதுடெல்லி: செயற்கை நுண்ணறிவு (ஏஐ) தொழில்நுட்ப வரவு காரணமாக, மைக்ரோசாப்ட், கூகுள் நிறுவனங்கள் விருப்ப ஓய்வுத் திட்டத்தை அறிவித்தன.
இதைத் தொடர்ந்து, பேஸ்புக், இன்ஸ்டாகிராமின் தாய் நிறுவனமான மெட்டாவும் பிரான்ஸில் பணிபுரியும் தனது ஊழியர்களுக்கு விருப்ப ஓய்வு வழங்க முன்வந்துள்ளது. அங்கு சுமார் 300 ஊழியர்கள் பணிபுரிகின்றனர். இவர்களில் சுமார் 100 பேர் இந்தத் திட்டத்தால் பாதிக்கப்பட வாய்ப்புள்ளது.
இதன்படி, ஒவ்வொரு ஆண்டும் பணிபுரிந்த காலத்துக்கு 2.15 மாதச் சம்பளம் இழப்பீட்டுத் தொகையாக விருப்ப ஓய்வில் செல்லும் ஊழியர்களுக்கு வழங்கப்படும். மேலும், 10 மாத காலத்துக்கு ஊதியத்துடன் கூடிய பணியிட மாற்ற விடுப்பும் வழங்கப்படும். இந்தக் காலத்தில் ஊழியர்களுக்கு அவர்களின் மொத்த சம்பளத்தில் 80 சதவீதம் வழங்கப்படும்.
