

லக்னோ: உத்தர பிரதேசத்தில் வாக்காளர் பட்டியல் சிறப்பு சுருக்கத் திருத்தம் (எஸ்எஸ்ஆர்) மேற்கொள்ளப்பட்டு வருகிறது. அதன் ஒரு பகுதியாக வரைவு வாக்காளர் பட்டியல் நேற்று வெளியிடப்பட்டது. மாநில தலைமைத் தேர்தல் அதிகாரி நவதீப் ரின்வா இதனை வெளியிட்டார்.
லக்னோவில் நடைபெற்ற செய்தியாளர்கள் சந்திப்பில் பேசிய அவர், “எஸ்எஸ்ஆர் 2027-ன் கீழ் உள்ள வரைவு வாக்காளர் பட்டியலில் 13 கோடியே 58 லட்சத்து 68 ஆயிரத்து 905 வாக்காளர்கள் உள்ளனர். எஸ்ஐஆர்-க்கு பிறகு ஏப்ரல் 10-ல் இறுதி வாக்காளர் பட்டியல் வெளியிடப்பட்டதிலிருந்து, இந்த வரைவுப்பட்டியலில் கிட்டத்தட்ட 11 லட்சம் பெண்கள் உட்பட 18 லட்சம் வாக்காளர்கள் கூடுதலாகச் சேர்க்கப்பட்டுள்ளனர்” என்றார்.
மேலும், “உரிமை கோரல்கள் மற்றும் ஆட்சேபனைகளுக்கான காலக்கெடு நவம்பர் 17 முதல் டிசம்பர் 16 வரை திறந்திருக்கும். இந்தக் காலகட்டத்தில், தகுதியுள்ள குடிமக்கள் வாக்காளர் பட்டியலில் உள்ள பதிவுகளைச் சேர்க்க, நீக்க அல்லது திருத்துவதற்கு முறையே படிவங்கள் 6, 7 மற்றும் 8 மூலம் விண்ணப்பிக்கலாம்” எ்ன்றார். புதிதாக சேர்க்கப்பட்டவர்களில் எஸ்ஐஆரில் விடுபட்டவர்களும் அடங்கும்.