திருவனந்தபுரம்: கேரள அமைச்சரவை கூட்டம் முதல்வர் வி.டி.சதீசன் தலைமையில் நேற்று நடைபெற்றது. இதில் ஆட்சி நிர்வாகத்தை டிஜிட்டல்மயமாக்க 5 சீர்திருத்தங்களுக்கு ஒப்புதல் அளிக்கப்பட்டது.
இதன் முக்கிய அம்சமாக, ‘நிர்வாகம், கண்காணிப்பு மற்றும் சீரமைப்புக்கான சிறப்புச் சொத்து மேலாண்மை தளம்’ (சம்பத்) தொடங்கப்பட உள்ளது. இது நிலம், கட்டிடங்கள், பாரம்பரிய சின்னங்கள், சாலைகள், அணைகள், பாலங்கள், வாகனங்கள் மற்றும் இயந்திரங்கள் உட்பட அரசுக்கு சொந்தமான அனைத்து சொத்துக்களின் பதிவுகளையும் பராமரிக்கும் ஒரு மத்திய டிஜிட்டல் பதிவேடாகும்.
தற்போதுள்ள ‘பிளான்ஸ்பேஸ்’ இணையதளத்தை ‘பிளான்ஸ்பேஸ் 2.0’ ஆக தரம் உயர்த்தவும் ஒப்புதல் அளிக்கப்பட்டுள்ளது. இது அனைத்து அரசு மூலதனத் திட்டங்களையும் டிஜிட்டல் முறையில் கண்காணிக்கும்.
நிறுவனங்களின் திறனை உயர்த்த, ஆண்டுக்கு சுமார் ரூ.19,000 கோடி சம்பளச் செலவினத்தைக் கொண்ட சுமார் 591 அரசு நிறுவனங்களை உள்ளடக்கிய ஒரு ஒருங்கிணைந்த டிஜிட்டல் பதிவேட்டை அரசு உருவாக்கும். இதன் மூலம் தேவையற்ற பணிகள் தவிர்க்கப்படும்.
