முன்னாள் காதலி தற்போது எனக்கு தோழி: ராகுல் காந்தி சுவாரசிய பதில்

முன்னாள் காதலி தற்போது எனக்கு தோழி: ராகுல் காந்தி சுவாரசிய பதில்
Updated on: 
1 min read

புதுடெல்லி: கேம்பிரிட்ஜ் நகரில் உணவகத்​துக்கு வந்த எனது அப்போதைய காதலி, இப்​போது எனக்கு தோழி​யாகி விட்​டார் என்று ராகுல் காந்தி சுவாரசி​ய​மாகப் பதிலளித்​தார்.

தனது தாயார் சோனியா காந்தி​யின் நினை​வுக் குறிப்​பு​கள் அடங்கிய ‘பிலாங்கிங்: ஏ ஜர்னி ஆஃப் லவ்’ என்ற புத்தக வெளி​யீட்டு விழா​வில், ராகுல் பேசிய​தாவது: எனது பெற்​றோர் குறித்து ஏராளமான கதைகள் பேசப்​பட்​டன. அதில் ஒன்​று, அவர்​கள் கேம்பிரிட்ஜ் வார்​சிட்டி உணவகத்​தில் முதன்​முதலில் சந்​தித்​துக் கொண்​டது பற்​றிய​தாகும்.

பல ஆண்​டு​களுக்​குப் பிறகு நான் கேம்​பிரிட்ஜ் நகருக்​குச் சென்றிருந்​த​போது, எனது காதலி​யிடம், ‘நாம் வார்​சிட்டி உணவகத்துக்​குச் செல்​லலாம்’ என்று கூறினேன். எனது பெற்​றோர் சந்​தித்​துக் கொண்ட இடத்​தைப் பார்க்க வேண்​டும் என்று விரும்பினேன். உணவகத்​தில் அமர்ந்​ததும், ஊழியர்​கள் உணவுப்பட்​டியலைக் கொண்டு வந்​தனர்.

அப்​போது நான், ‘எனது பெற்​றோர் இந்த உணவகத்​தில்​தான் சந்தித்​துக் கொண்​டார்​கள்’ என்று கூறினேன். உடனே, அந்த ஊழியர் என்​னைப் பார்த்​து, ‘ஓ, அவர்​களா? எனக்கு அவர்​களைத் தெரி​யும்’ என்​றார். அந்​தக் காதலி தற்​போது எனக்கு தோழியாகிவிட்​டார்.

இந்​தப் புத்​தகத்​தில் நீங்​கள் படிப்​பது, அப்பா உயி​ரிழப்​ப​தற்கு முன்பு இருந்த எனது அம்​மாவைப் பற்​றியது. அவர் தன்னை இரண்டு முறை, மூன்று முறை புற்​று​நோயி​லிருந்து மீண்​ட​வர் என்று குறிப்​பிட்​டிருக்​கிறார். ஆனால், உண்​மை​யில் அவர் நான்கு முறை புற்​று​நோயி​லிருந்து மீண்​ட​வர். எனது வாழ்க்​கை​யில் ஒரு​முறை​கூட அவர் பயந்​ததை நான் பார்த்​த​தில்​லை.

எந்​தச் சூழலிலும் அவர் பின்​வாங்​கியதை​யும் நான் பார்த்ததில்லை. இந்த உரையை நான் நிகழ்த்த விரும்​பியதற்​குக் காரணம், அப்பா உங்​கள் மீது மிகுந்த அன்பு வைத்​திருந்​தார். ஆனால், அவர் இன்று உயிருடன் இருந்​திருந்​தால், உங்​களை நினைத்து எவ்​வளவு பெரு​மைப்​பட்​டிருப்​பார். இவ்​வாறு அவர்​ தெரி​வித்​தார்​.

முன்னாள் காதலி தற்போது எனக்கு தோழி: ராகுல் காந்தி சுவாரசிய பதில்
‘எனது பெற்றோர் குறித்து நான் பேசியதை கேலி செய்வதா?’ - பாஜகவினரை சாடிய ராகுல் காந்தி

X