சவால்களுக்கே சவால் விடுப்பது என் வழக்கம்: ஐஐடி காரக்பூர் பவள விழாவில் பிரதமர் மோடி உரை

பிரதமர் மோடி

பிரதமர் மோடி

Updated on: 
1 min read

கொல்கத்தா: ஐஐடி காரக்​பூர் பவள விழா​வில் உரையாற்​றிய பிரதமர் நரேந்​திர மோடி, ‘சவால்​களுக்கே சவால் விடுப்​பது என் வழக்​கம்’ எனக் கூறினார்.

இந்​தி​யாவின் முதல் இந்​தி​யத் தொழில்​நுட்​பக் கழகம் (ஐஐடி) மேற்கு வங்​கத்​தின் காரக்​பூர் நகரில் கடந்த 1951-ம் ஆண்டு நிறு​வப்​பட்​டது. இது நாட்​டின் மிகப்​பெரிய ஐஐடி வளாக​மாக விளங்​கு​கிறது. இந்​நிலை​யில், ஐஐடி காரக்​பூர் தொடங்​கப்​பட்டு 75-வது ஆண்​டுகள் நிறைவடைந்​ததை முன்​னிட்டு அதன் பவள விழா நேற்று கொண்​டாடப்​பட்​டது. இதில் பிரதமர் நரேந்​திர மோடி பங்​கேற்று, சிறப்பு நினைவு நாணயத்தை வெளி​யிட்​டார். பின்​னர் அவர் மாணவர்​கள் மத்​தி​யில் உரையாற்​றினார். அப்​போது அவர் கூறிய​தாவது:

ஒரு நாடு தனது சிந்​தனை​யின் வரம்​பு​களை உடைக்​கும்​போது​தான் அதன் ஆற்​றல்​களைக் கண்​டறி​கிறது. கடந்த சில ஆண்​டுகளாக இந்​தியா இதை நிரூபித்​துள்​ளது. சிரமங்​களை எதிர்​கொள்​வதில் மக்​கள் பெரும்​பாலும் தங்​களுக்​குத் தாங்​களே வரம்​பு​களை விதித்​துக்​கொள்​கிறார்​கள். ஆனால் நான் சவால்​களை எதிர்​கொள்​வதையும், அந்​தச் சவால்​களுக்கே சவால் விடுப்​ப​தையும் வழக்​க​மாகக் கொண்​ட​வன்.

வறுமை குறித்த நில​வும் மன​நிலையை மாற்​று​வதற்​கும், மக்​களுக்கு அதி​காரம் அளிப்​ப​தற்​கும் எனது அரசு கடந்த 12 ஆண்​டுகளாக பல்வேறு நடவடிக்கைகளை எடுத்துள்ளது. ‘தேசம் முதலில்’ என்ற தாரக மந்​திரத்தை மாணவர்​களாகிய நீங்​கள் பின்​பற்ற வேண்​டும். இது உங்​களுக்​குப் புதிய வாய்ப்​பு​களை உரு​வாக்​கு​வதோடு, நாட்​டின் வளர்ச்​சிக்​கும் பங்​களிக்​கும். அடுத்த 20 ஆண்​டுகளில் இந்​தி​யாவை ஒரு வளர்ந்த நாடாக மாற்​று​வதற்​குப் பாடு​படுவோம் என ஐஐடி காரக்​பூரின் மாணவர்​களும் பேராசி​ரியர்​களும் உறுதி​மொழி ஏற்க வேண்​டும்.

முக்கிய பங்களிப்பு

சுதந்​திரம் பெற்ற உடனேயே நிறு​வப்​பட்ட ஐஐடி காரக்​பூர், இந்​தி​யாவின் மாற்​றத்​தில் ஒரு முக்​கியப் பங்கை ஆற்​றியுள்​ளது. அந்த நிறு​வனம் தனது பயணத்​தைத் தொடங்​கியபோது, ​​இந்​தியா சுதந்​திரம் அடைந்து சில நாட்​களே ஆகி​யிருந்​தன. அப்​போது நாட்​டின் தொழில் துறைகளை​யும் உள்​கட்​டமைப்​பையும் மேம்​படுத்த பொறி​யாளர்​கள் தேவைப்​பட்​டனர். அதனைத் தொடர்ந்து அந்த நிறு​வனத்​தின் பட்​ட​தா​ரி​கள், இந்​தி​யாவின் விண்​வெளி மற்​றும் அணுசக்​தித் திட்​டங்​கள் உள்​ளிட்ட அறி​வியல் திறன்​களை வலுப்​படுத்​து​வதற்​குப் பங்​களித்​தனர்.

சுதந்​திரப் போராட்ட வீரர்​களுக்​கான சிறை முகாம் இருந்த இடத்​தில்​தான் ஐஐடி காரக்​பூர் நிறு​வப்​பட்​டது. இங்கே அடைக்​கப்​பட்​டிருந்த சுதந்​திரப் போராட்ட வீரர்​கள் நாள் முழு​வதும் எதைப் பற்​றிப் பேசி​யிருப்​பார்​கள்? அவர்​கள் என்ன சிந்​தித்​திருப்​பார்​கள்? என்​பதை கற்​பனை செய்து பாருங்​கள். அவர்​களின் எண்​ணங்​களும் செயல்​பாடுகளும் தலைமுறை தலைமுறை​யாகத் தொடர்ந்து உத்​வேகம் அளித்து வரு​கிறது.

கடந்த 75 ஆண்​டுகளில் இந்​தியா, மாட்டு வண்​டிகளி​லிருந்து புல்​லட் ரயில்​களுக்​கும், தபால் கடிதங்​களி​லிருந்து சமூக ஊடகச் செய்​தி​களுக்​கும் மிகப்​பெரிய மாற்​றத்​துக்கு உள்​ளாகி​யுள்​ளது. இவ்​வாறு பிரதமர் மோடி பேசினார்.

<div class="paragraphs"><p>பிரதமர் மோடி</p></div>
இந்திய அணி 486 ரன்கள் குவித்து அசத்தல்: 118 ரன்கள் முன்னிலையுடன் ஆதிக்கம்

X