திருவனந்தபுரம்: கேரள கல்வி அடிப்படைக் கட்டமைப்பு மற்றும் தொழில்நுட்ப அமைப்புக்கு (கேஐடிஇ) தேசிய அங்கீகாரம் கிடைத்துள்ளது.
இந்த கேஐடிஇ அமைப்பின் செயற்கை நுண்ணறிவு (ஏஐ) பிரிவாக சமக்ரா பிளஸ் சிறப்பாக செயல்படுகிறது. இந்நிலையில் டெல்லியில் நேற்று முன்தினம் நடைபெற்ற 6-வது ஆளுகை டிஜிட்டல் உருமாற்ற உச்சி மாநாட்டில் சமக்ரா பிளஸ் பிரிவுக்கு விருது வழங்கப்பட்டுள்ளது.
மின்னணு பயிற்றுவித்தல், மதிப்பீடு, டிஜிட்டல் கல்வி தளம் என்ற பிரிவில் இந்த விருது வழங்கப்பட்டுள்ளது. இத்தகவலை கேஐடிஇ-யின் தலைமைச் செயல் அதிகாரி அன்வர் சதத் தெரிவித்தார்.
