கோப்புப் படம்
சென்னை: அரசு கல்லூரி உதவிப் பேராசிரியர் தேர்வுக்கான உத்தேச விடைகளை ஆசிரியர் தேர்வு வாரியம் வெளியிட்டுள்ளது.
இதுதொடர்பாக வாரியத்தின் தலைவர் எஸ்.ஜெயந்தி வெளியிட்டுள்ள செய்திக்குறிப்பு:அரசு கலை மற்றும் அறிவியல்கல்லூரிகள், அரசு கல்வியியல் கல்லூரிகளுக்கான உதவிப் பேராசிரியர் போட்டித் தேர்வு கடந்த டிச.27-ம் தேதி நடைபெற்றது. காலையில் நடந்த தேர்வுக்கான (தாள் 1-ல் பகுதி-ஏ மற்றும் பகுதி-பி) உத்தேச விடைக்குறிப்புகள் (கீ ஆன்ஸர்) https://trb1.ucanapply.com என்ற தளத்தில் வெளியிடப்பட்டுள்ளன.
இதன் மீது ஆட்சேபம் தெரிவிக்க விரும்பும் தேர்வர்கள் ஜன.13 மாலை 5.30 மணி வரைபதிவுசெய்யலாம். சான்று ஆவணங்கள் இல்லாத முறையீடுகள் பரிசீலிக்கப்படாது. அங்கீகரிக்கப்பட்ட பாடப்புத்தகங்களை மட்டுமே ஆதாரமாக அளிக்க வேண்டும். பாட வல்லுநர்களின் முடிவே இறுதியானது. இணையவழியில் இல்லாமல் தபால் அல்லது பிறவழி முறையீடுகள் கண்டிப்பாக ஏற்றுக்கொள்ளப்பட மாட்டாது. இவ்வாறு அவர் கூறியுள்ளார்.
