தஞ்சாவூர்: இந்து மத கடவுளான முருகன் திருக்கல்யாணம் குறித்து சமூக வலைதளத்தில் அவதூறு கருத்தை வெளியிட்டதாக இஸ்லாமியப் பெண் மீது பட்டுக்கோட்டை போலீஸார் வழக்குப் பதிவு செய்து விசாரித்து வருகின்றனர்.
தஞ்சாவூர் மாவட்டம் பட்டுக்கோட்டை பள்ளிவாசல் பகுதியைச் சேர்ந்தவர் பாத்திமா என்கிற ரம்ஜான்பேகம் (36). இவர் தனது இன்ஸ்டாகிராம் பக்கத்தில், முருகனின் திருக்கல்யாணத்தை கொச்சைப்படுத்தும் விதமாக கருத்துகளை பதிவிட்டிருந்ததாக கூறப்படுகிறது.
இதுகுறித்து பட்டுக்கோட்டை அருகே உள்ள ஏனாதி கிராமத்தைச் சேர்ந்த தஞ்சாவூர் மாவட்ட விஸ்வ ஹிந்து பரிஷத் செயலாளரான கோவிந்தராஜ் என்பவர் பட்டுக்கோட்டை டவுன் போலீஸில் புகார் அளித்தார். அதன்பேரில், ரம்ஜான்பேகம் மீது பிஎன்எஸ் 192, 299, 352 ஆகிய பிரிவுகளில் போலீஸார் வழக்குப் பதிவு செய்து விசாரித்து வருகின்றனர்.