வாலாஜா அருகே தாயை கொலை செய்த ஆசிரியை கைது

கீதா, சரண்யா, சரண்ராஜ்

கீதா, சரண்யா, சரண்ராஜ்

Updated on: 
1 min read

ராணிப்பேட்டை: வாலாஜா அருகே பெற்ற தாயை கொலை செய்த பள்ளி ஆசி​ரியையை காவல் துறை​யினர் கைது செய்து சிறை​யில் அடைத்​தனர்.

ராணிப்​பேட்டை மாவட்​டம் வாலாஜா அடுத்த தென்​கடப்​பந்​தாங்​கல் கிராமத்​தைச் சேர்ந்​தவர் ரவி (61), கார் ஓட்​டுநர். இவரது மனைவி கீதா (54). தம்​ப​திக்கு சரண்யா (34), சுகன்யா (32) என 2 மகள்​கள் உள்​ளனர். கீதா தனியார் நிறு​வனத்​தில் பணிபுரிந்து வரு​கிறார். கீதாவின் மூத்த மகளான சரண்யா, வாலாஜாவில் உள்ள தனியார் பள்​ளி​யில் ஆசி​ரியராக பணி​யாற்றி வரு​கிறார். இவர், கணவரை இழந்து 2 மகன்​களு​டன் தாய் கீதாவுடன் ஒரே வீட்​டில் வசித்து வரு​கிறார்.

கடந்த 19-ம் தேதி கீதா வீட்​டில் கழுத்து அறுக்​கப்​பட்டு கொலை செய்​யப்​பட்டு கிடந்​தார். மேலும், அவர் கழுத்​தில் இருந்த 10 பவுன் நகையும், வீட்​டில் இருந்த 10 ஆயிரம் ரூபாய் பணமும் திருடப்​பட்​டிருந்​தது. இந்த கொலை வழக்கு தொடர்​பாக 3 தனிப்​படைகள் அமைத்து காவல் துறை​யினர் விசா​ரணை நடத்தி வந்​தனர். இந்த வழக்​கில் மகள் சரண்​யாவை போலீ​ஸார் கைது செய்​தனர்.

இது​குறித்து காவல் துறை​யினர் கூறும்​போது, “கீதாவின் மூத்த மகளான சரண்யா ஏற்​கெனவே மாற்று சமூகத்​தைச் சேர்ந்த நபரை திரு​மணம் செய்​த​தாக கூறப்​படு​கிறது. இதில், கீதாவுக்கு உடன்​பாடு இல்லை. சில ஆண்​டுகளுக்கு முன்பு சரண்​யாவின் கணவர் உயி​ரிழந்​தது விட்​டார். இதன் காரண​மாக சரண்யா தனது 2 மகன்​களு​டன், தனது தாய் வீட்​டில் ஒன்​றாக வசித்து வந்​தார்.

இதற்​கிடையே சரண்யா அப்​பகுதி​யில் வேறொரு நபருடன் பழகி வந்​த​தாக கூறப்​படு​கிறது. ஏற்​கெனவே வேறு சமூகத்​தைச் சேர்ந்த நபரை திரு​மணம் செய்​ததும், தற்​போது வேறொரு நபருடன் பழகி வரு​வது குறித்து, கீதா தனது மகள் சரண்​யாவை அடிக்​கடி கண்​டித்​த​தாக கூறப்​படு​கிறது.

இந்​நிலை​யில், கடந்த 19-ம் தேதி தாய் மற்​றும் மகளுக்​கும் இடையே மீண்​டும் தக​ராறு ஏற்​பட்​டுள்​ளது. இதில், ஆத்​திரமடைந்த சரண்யா தனது தாயை கழுத்தை நெரித்து கொலை செய்​துள்​ளார்.

பின்​னர், மர்ம நபர்​களால் பணம் மற்​றும் நகைக்​காக திருட்டு நடை​பெற்​றது போல் தெரிய, கீதாவின் கழுத்​தில் இருந்த 10 பவுன் நகை மற்​றும் பீரோவில் இருந்த 10 ஆயிரம் ரூபாயை எடுத்து மறைத்து வைத்து விட்டு, வழக்​கம் போல் பணிக்கு சென்​றது விசா​ரணை​யில் தெரிய​வந்​துள்​ளது” எனறனர். இதனைத்​தொடர்ந்து, வாலாஜா காவல் துறை​யினர் வழக்​குப்​ப​திவு செய்து சரண்​யாவையும் அவரது ஆண் நண்பர் சரண்ராஜ் (32). என்பவரையும் கைது செய்து சிறையில் அடைத்தனர்.

<div class="paragraphs"><p>கீதா,&nbsp;சரண்யா,&nbsp;சரண்ராஜ்</p></div>
திருப்பத்தூர் இரட்டை கொலையில் தொழிலாளி கைது

X