சுயாதீன பாடல்கள் மூலம் சர்வதேச அளவில் கவனம் பெற்றுள்ள தமிழ் பாடகி தீ, அமெரிக்கப் பாப் பாடகியும் கட்ஸீ என்ற பெண்கள் இசைக்குழுவைச் சேர்ந்தவருமான லாரா ராஜுடன் இணைந்து ‘வாரி வாரி’ என்ற தமிழ் சுயாதீனப் பாடலின் ரீமிக்ஸ் பதிப்பை வெளியிட்டுள்ளார்.
சந்தோஷ் நாராயணன் இசையமைத்துத் தயாரித்த பாடலான ‘வாரி வாரி’ ஏற்கெனவே வரவேற்பைப் பெற்று வரும் நிலையில் இப்போது இப்பாடலின் ரீமிக்ஸை வெளியிட்டுள்ளனர். இந்தப் பாடலுக்கு கிருஷ்ணா இணை தயாரிப்பாளராகப் பணியாற்றியுள்ளார்.
சர்வதேச இசைக் கலைஞர்களான தீ, லாரா ராஜ் ஆகியோரின் கூட்டணியில் உருவாகி இருக்கும் இந்த ரீமிக்ஸ் பாடல் உலகளாவிய இசை ரசிகர்களின் விருப்பப் பாடல் பட்டியலில் இடம் பிடித்துள்ளது.
