சென்னை: நடிகரும் தமிழக முதல்வருமான விஜய்யின் மகன் ஜேசன் சஞ்சய் இயக்குநராக அறிமுகமாகும் 'சிக்மா' படத்துக்கு, நடிகர்கள் சூர்யா மற்றும் கார்த்தி தங்கள் சமூக வலைதள பக்கங்களில் வாழ்த்து தெரிவித்துள்ளனர்.
லைகா புரொடக்ஷன்ஸ் தயாரிப்பில், சந்தீப் கிஷன் கதாநாயகனாக நடிக்கும் இப்படம் காந்தி ஜெயந்தியை முன்னிட்டு நாளை (அக்.02) வெளியாகிறது. இந்த சூழலில் இப்படத்தை இயக்கியுள்ள ஜேசன் சஞ்சய்க்கும், படக்குழுவுக்கும் சூர்யா, கார்த்தி இருவரும் தங்கள் எக்ஸ் பக்கத்தில் வாழ்த்து தெரிவித்துள்ளனர்.
நடிகர் சூர்யா வெளியிட்டுள்ள பதிவில், “உங்கள் வரவு நல்வரவாகட்டும் சஞ்சய். சிறுவனாக இருந்த சஞ்சய் இப்போது ஒரு இயக்குநராகிவிட்டார் என்பதை நம்பவே முடியவில்லை. நாளை ஒரு முக்கியமான நாள். ஜேசன் சஞ்சய்க்கு எனது மனமார்ந்த வாழ்த்துகள். நடிகர் சந்தீப் கிஷன், லைகா நிறுவனம் மற்றும் 'சிக்மா' படக்குழுவினர் அனைவருக்கும் எனது வாழ்த்துகள்” எனக் குறிப்பிட்டுள்ளார்.
அதே போல நடிகர் கார்த்தி வெளியிட்டுள்ள வாழ்த்துச் செய்தியில், “அன்புள்ள சஞ்சய், நீங்கள் சினிமாவை தேர்ந்தெடுத்திருப்பது எனக்கு மிகுந்த மகிழ்ச்சியளிக்கிறது. எளிமையும் வசீகரமும் கொண்ட இளைஞரான உங்களுக்கு அனைத்து வெற்றியும், மகிழ்ச்சியும், எல்லாவற்றிற்கும் மேலாக நமது மக்களின் அன்பும் கிடைக்க வாழ்த்துகிறேன். இந்த திரைப் பயணம் உங்களுக்குச் சிறந்ததாக அமையட்டும். சஞ்சய், சந்தீப் கிஷன் மற்றும் 'சிக்மா' படக்குழுவினர் அனைவருக்கும் படம் மாபெரும் வெற்றி பெற வாழ்த்துகள்" எனத் தெரிவித்துள்ளார்.
