பிரிட்டிஷ் ஆட்சிக் காலத்தில் நடக்கும் வரலாற்று ஆக் ஷன் டிராமாவாக ‘டேவிட் ரெட்டி’ என்ற திரைப்படம் உருவாகிறது. 1897 முதல் 1920-கள் வரையிலான காலகட்டத்தை மையமாக வைத்து உருவாகும் இப்படத்தில், மோகன் பாபுவின் மகன் மனோஜ் மன்சு நாயகனாக நடிக்கிறார். உக்ரைன் நடிகை மரியா ரியாபோஷப்கா கதாநாயகியாக நடிக்கிறார். ஹனுமா ரெட்டி இயக்கும் இப்படம், தெலுங்கு, தமிழ், இந்தி, மலையாளம், கன்னட மொழிகளில் உருவாகி வருகிறது.
வெல்வட் சோல் மோஷன் பிக்சர்ஸ் மற்றும் ட்ரூ ராடிக்ஸ் நிறுவனம் தயாரிக்கும் இப்படத்தில் ரம்யா கிருஷ்ணன், கமலா ரெட்டி என்ற ஆக்ரோஷமான கதாபாத்திரத்தில் நடிக்கிறார். அவருடைய தோற்றத்தை சமூக வலைதளத்தில் வெளியிட்டுள்ள படத்தின் ஹீரோ மனோஜ் மன்சு, “உங்களுடன் இணைந்து திரையைப் பகிர்ந்து கொள்வது எனக்கு கிடைத்த மிகப்பெரிய கவுரவம்” என்று புகழ்ந்துள்ளார். கையில் வாளுடன் ஆவேசமாக அமர்ந்திருக்கும் அந்த போஸ்டர் சமூக வலைதளங்களில் வைரலானது.
