தாஷமக்கான் ஃபர்ஸ்ட் லுக்
ஹரிஷ் கல்யாண் நடித்து வந்த படத்துக்கு ‘தாஷமக்கான்’ என தலைப்பிட்டு ஃபர்ஸ்ட் லுக்கை வெளியிட்டுள்ளது படக்குழு.
‘டீசல்’ படத்துக்கு இடையே, ‘லிஃப்ட்’ படத்தின் இயக்குநரான வினீத் வரப்பிரசாத் இயக்கத்தில் புதிய படமொன்றில் நடித்து வந்தார் ஹரிஷ் கல்யாண். இதன் படப்பிடிப்பு முழுமையாக முடிவுற்று, இறுதிகட்டப் பணிகள் மும்முரமாக நடைபெற்று வருகின்றன. முழுக்க ஆக்ஷன் கதையாக இப்படம் உருவாகி வருகிறது.
தற்போது இப்படத்துக்கு ‘தாஷமக்கான்’ எனப் பெயரிட்டு ஃபர்ஸ்ட் லுக்கை வெளியிட்டுள்ளது படக்குழு.
இப்படத்தினை திங்க் ஸ்டூடியோஸ் நிறுவனம் வழங்க இடா புரொடக்ஷன்ஸ் நிறுவனம் தயாரித்துள்ளது. இதில் நாயகியாக ப்ரீத்தி முகுந்தன் நடித்துள்ளார். விரைவில் இப்படம் குறித்த இதர அறிவிப்புகள் வெளியாகும் என எதிர்பார்க்கப்படுகிறது.
அடுத்த ஆண்டு வெளியாகவுள்ள இப்படத்தின் டீஸர் உள்ளிட்ட விளம்பரப்படுத்தும் பணிகளை படக்குழு துவங்கியிருக்கிறது. ஹரிஷ் கல்யாண் படங்களில் அதிக பொருட்செலவில் தயாராகியுள்ள படம் இது என்பது குறிப்பிடத்தக்கது.
